ایکس پر "ہیش ٹیگ" کا استعمال غیر ضروری اور فرسودہ ہے، ایلون مسک

ایلون مسک نے ایکس پر "ہیش ٹیگ" کے استعمال غیر ضروری اور فرسودہ قرار دیدیا۔

سماجی رابطے کی ویب سائٹ ایکس کے بانی ایلون مسک نے ایکٹیوٹی کے نئے موڑ میں ہیش ٹیگ کو ایک غیر ضروری عنصر قرار دے دیا ہے۔ غیر ملکی خبر رساں ایجنسی کی رپورٹ کے مطابق، مسک نے ایکس کے صارفین کے ساتھ بات چیت کرتے ہوئے ہیش ٹیگ کی اہمیت کے بارے میں سوالات کا جواب دیا۔

ایک صارف نے جاننا چاہا کہ کیا اسے ہیش ٹیگ کا استعمال جاری رکھنا چاہیے، جس پر ایلون مسک نے واضح طور پر کہا کہ "براہ کرم ہیش ٹیگ کا استعمال بند کریں"۔ اُن کا کہنا تھا کہ اس وقت یہ نظام مزید ہیش ٹیگ کی ضرورت نہیں محسوس کرتا اور یہ بصری طور پر بھی باعث بدصورتی ہیں۔

مسک کے اس بیان پر صارفین کی جانب سے متنوع ردعمل کا سامنا کیا گیا۔ کچھ صارفین نے اس موقف کی حمایت کرتے ہوئے کہا کہ ہیش ٹیگ کا استعمال واقعی غیر ضروری ہے اور اس سے وقت کی ضیاع ہوتی ہے، خاص طور پر جب نظام پہلے ہی آپ کے موضوع کو سمجھتا ہے۔

ایلون مسک کے اس بیان کے بعد ایکس پر کی جانے والی گفتگو میں نیا رنگ آ گیا ہے، اور صارفین نے اس معاملے پر اپنی آراء کا تبادلہ کرنا شروع کر دیا ہے۔​

 

[ranaji]

لیکن پاکستان کے جرنیل تو کہتے ہیں کہ ایکس کا استعمال ہی غیر ضروری ہے
اور اسکا استعمال کرنا ہی وقت کا ضیائع ہے اسئ لئے اسکو بین کیا گیا ہے

 

[Sarkash]

لیکن پاکستان کے جرنیل تو کہتے ہیں کہ ایکس کا استعمال ہی غیر ضروری ہے
اور اسکا استعمال کرنا ہی وقت کا ضیائع ہے اسئ لئے اسکو بین کیا گیا ہے

لیکن وی وپی این سے یہ سب اور ان کے ٹاؤٹ روز 10 10 بار پوسٹ کرتے ہیں

​