بالی ووڈ سپر سٹار اکشے کمار کی نئی آنے والی فلم "رکشا بندھن" کی کہانی ایک مشہور پاکستانی فلم کی چربہ نکل آئی ۔
تفصیلات کے مطابق بالی ووڈ کے خطروں کے کھلاڑی اکشے کمار کی نئی فلم رکشابندھن کے ٹریلر اور پہلے گانے کے ریلیز ہونے کے بعد فلم بینوں نے اس فلم کی کہانی کو مشہور پاکستانی فلم "لوڈ ویڈنگ" کا چربہ قرار دیدیا ہے۔
شائقین کاکہنا ہے کہ اکشے کمار کی اس فلم میں پاکستانی سپر سٹار فہد مصطفیٰ کی مشہور فلم لوڈ ویڈنگ سے مواد سے چوری کیا گیا ہے۔
ٹوئٹر پر خاتون صحافی مہوش اعجاز نے اکشے کمار کی فلم کو پاکستانی فلم لوڈ ویڈنگ کا چربہ قرار دیدیا اور بالی ووڈ پر پاکستان کی مزید فلموں کی کہانی چوری کرنے کا الزام بھی عائد کردیا۔
خاتون نے اپنے ٹوئٹ میں لکھا کہ ایسا لگتا ہے کہ اکشے کمار کی آنے والی فلم نبیل قریشی کی فلم لوڈ ویڈنگ سے بہت زیادہ متاثر ہوکر بنائی گئی ہے کیونکہ یہ پہلا موقع نہیں جب انہوں نے نبیل کے کام کو نقل کیا ہو۔
واضح رہے کہ دنیا بھر میں مانی جانے والی بھارتی فلم انڈسٹری بالی ووڈ کی جانب سے پہلی بار کسی پاکستانی فلم کی کہانی چوری نہیں کی گئی بلکہ اس سے قبل بھی فہد مصطفیٰ کی فلم ایکٹران لاء کو چوری کرکے "بتی گل میٹر چالو" بنائی گئی تھی جس میں شاہد کپور نے مرکزی کردار ادا کیا تھا۔