اکبر ایس بابر کو گند ڈالنے اور تحریک انصاف کا انتخابی نشان واپس لینے کیلئے لانچ کیا گیا، تجزیہ کاروں کی رائے
گزشتہ روز تحریک انصاف کے انٹراپارٹی الیکشن کے بعد اکبر ایس بابر کی انٹری ہوئی، تمام ٹی وی چینلز نے انہیں بھرپور کوریج دی، اکبر ایس بابر نے تحریک انصاف کے الیکشن کو پارٹی آئین کے خلاف قرار دیدیا اور الیکشن کمیشن میں چیلنج کرنے کا اعلان کیا۔
اکبر ایس بابر کا دعویٰ تھا کہ وہ تحریک انصاف کا الیکشن لڑنا چاہتے تھے لیکن انہیں کاغذات نامزدگی نہیں دئیے گئے۔
تجزیہ کاروں کے مطابق اکبر ایس بابر کو گند ڈالنے اور تحریک انصاف کا انتخابی نشان چھیننے کیلئے لانچ کیا گیا ہے اور اسکے پیچھے وہی قوتیں ہیں جو نہیں چاہتیں کہ تحریک انصاف الیکشن میں حصہ لے۔تجزیہ کاروں کا اشارہ ن لیگ اور اسٹیبلشمنٹ کی طرف ہے اور الیکشن کمیشن کو بھی اس کھیل کا حصہ قراردیتے ہیں۔
صحافی ثاقب ورک نے تبصرہ کیا کہ اصل میں پی ٹی آئی امیدواروں کو الیکشن میں بلے کے نشان سے دور کرنے کا چیف الیکشن کمشنر کا سارا پلان ایسے وڑا کہ انھوں نے اپنے بڑوں کے ساتھ ساتھ پلان کچھ صحافیوں کو بھی بتا دیا جہاں سے پرچہ آؤٹ ہوگیا جس پر انکی ڈانٹ ڈپٹ بھی ہوئی، ایسے میں انھوں نے اپنے لاڈلے اکبر ایس بابر کو میدان میں لانے کی تجویز دی کہ وہ کوئی گند ڈال سکیں اور اسکو استعمال کرکے پی ٹی آئی امیدواروں کو بلے کے نشان سے دور رکھا جائے ۔
ارشاد بھٹی کا کہنا تھا کہ "اکبر ایس بابر کے سامنے آنےکا مقصد ہے کہ پی ٹی آئی کو بلےکانشان نہ مل سکے اور تحریک انصاف بلے کے نیچے الیکشن نہ لڑسکے"۔
نجی چینل سے گفتگو کرتے ہوئے اعتزازاحسن نے کہاکہ اکبر ایس بابر تو مچھر کی طرح پیچھے پڑ گیا ہے، اسے گھر بیٹھ جانا چاہئے، قوم بہت آگے جا چکی ہے
صحافی رائے ثاقب کھرل نے تبصرہ کیا کہ انٹرا پارٹی الیکشن کی کہانی ابھی ختم نہیں ہوئی، اکبر ایس بابر کو اتنا ایئر ٹائم ایویں نہیں دیا گیا،الیکشن کمیشن بہت مستعدی سے کام کر رہا ہے۔
عمر انعام کا کہنا تھا کہ وہ اکبر ایس بابر جو پچھلے 18 ماہ میں پی ٹی آئی کارکنان پر ہونے والے مظالم پر چوہے کی طرح بل میں چھپا ہوا تھا وہ کل سے سامنے آ کر پی ٹی آئی کا ماما چاچا بننے کی کوشش کررہا ہے، ن لیگ صحافی ونگ والوں نے بھی اکبر ایس بابر کو آج سے اپنے ابووں کی لسٹ میں شامل کر لیا ہے
ملیحہ ہاشمی نے تبصرہ کرتے ہوئے لکھا کہ اکبر ایس بابر اس وقت پی ٹی آئی کی اس سوتیلی پھوپھی کا کردار ادا کر رہے ہیں جو ہر شادی کے موقع پر منہ پھلا کر بیٹھ جاتی ہیں اور اچھے بھلے رنگ میں بھنگ ڈالنے پہنچ جاتی ہیں۔ اور پھر ان کی خواہش ہوتی ہے کہ میری دیکھا دیکھی اور لوگ بھی اس پٹ سیاپے میں حسب توفیق حصہ ڈالیں۔
اظہرمشوانی نے تبصرہ کیا کہ تب سے یہ relevant بننے کے لیے ہر دوسرے مہینے کوئی نہ کوئی شوشہ چھوڑتا رہتا تھا اور ڈیڑھ سال سے بطور کٹھ پتلی ناچ رہا ہے
ڈاکٹر شہبازگل نے تبصرہ کیا کہ ابھی تک مریم اورنگزیب، فیصل کریم کنڈی، پرویز خٹک، فیاض الحسن چوہان، اکبر ایس بابر میڈیا پر آ کر خواہش کا اظہار کر چکے ہیں کہ ہم سب پارٹیوں کے بس کی بات نہیں اور عمران خان ہی نہیں ، انکی پارٹی کو بھی الیکشن سے باہر رکھا جائے عمران خان کا مقابلہ کرنے سے کیسے کانپیں ٹانگ رہی ہیں
https://twitter.com/search?q=اکبر ایس بابر&src=typed_query
- Featured Thumbs
- https://www.siasat.pk/data/files/s3/akb11h213.jpg
