پشاور سے تعلق رکھنے والی ایک بچی کی ویڈیو سوشل میڈیا پر وائرل ہوری ہے جس میں دیکھا جاسکتا ہے کہ وہ انگریزی بول کر اپنی اشیاء فروخت کررہی ہے۔
یہ بچی سڑکوں پر پھر پھر کر مکئی کے دانے، مونگ پھلی ، بھنے ہوئے چنے اور دیگر اشیاء فروخت کررہی ہے جو وہ گھر سے ہی پیک کر لاتی ہے۔
وائرل ہونیوالی ویڈیو میں دیکھا جاسکتا ہے کہ ایک کارسوار نے بچی کو روکا اور پوچھا کہ بچی انگلش میں پوچھتی ہے کہ آپ کو کچھ چاہئے جس پر کارسوار پوچھتا ہے کہ کیا فروخت کررہی ہیں جس پر بچی انگلش میں جواب دیتی ہے
بچی کا دعویٰ ہے کہ اس نے کسی سکول میں تعلیم حاصل نہیں کی بلکہ گھر میں ہی انگلش سیکھی ہے۔
اس پر سوشل میڈیا صارفین نے بچی کی تعریف کی اور علی امین گنڈاپور سے اپیل کی کہ اس بچی کی تعلیم کیلئے بندوبست کریں، یہ بچی انتہائی قابل ہے۔
فیصل خان نے ردعمل دیا کہ شمائلہ کا انگلش سنیں اور اندازہ لگائیں کتنی قابل بچی ہے۔ اس عمر میں مزدوری کی بجائے اس بچی کو سکول میں ہونا چاہئیے تھا
ایک صارف نے کہا کہ کہاں ہیں وہ جو کہتے ہیں کہ بھارت انگریزی بولنے میں بہت آگے ہے؟ پشاور کی رہائشی اس بچی نے گھر پر ہی انگریزی بولنی سیکھ لی
عظمت خان نے تبصرہ کیا ماشاءاللہ اس بچی کی انگلش دیکھیں جو اس نے گھر میں سیکھی پشاور میں ۔۔ گنڈاپور صاحب پلیز اس کواور تعلیم دلوائی جائے تاکہ یہ ابھرتا ہوا ستارہ مر نہ جائے !! کوئی ہے جو اس بچی کا پتہ چلا سکتا ہے ؟
- Featured Thumbs
- https://www.siasat.pk/data/files/s3/aahi11h22.jpg
