پاکستان نے امریکا کی جانب سے دھمکی آمیز خط بھیجنے پر شدید احتجاج ریکارڈ کرادیا،اے آر وائی نیوز کے مطابق سفارتی ذرائع کا کہنا ہے کہ قائمقام امریکی ناظم الامور کو دفتر خارجہ طلب کرکے احتجاجی مراسلہ دیا گیا اور اندرونی معاملات میں مداخلت پر پاکستان نے شدید احتجاج کیا،ذرائع کے مطابق امریکی سینئر عہدیدار کے الفاظ اور اندرونی معاملات میں مداخلت پر احتجاج کیا گیا،ذرائع کے مطابق قائمقام امریکی ناظم الامور کی طلبی قومی سلامتی کمیٹی کی ہدایت پر کی گئی ہے۔
دفتر خارجہ سے جاری بیان میں کہا گیا ہے کہ پاکستان کی طرف سے ایک احتجاجی مراسلہ امریکہ کے حوالے کردیا گیا ہے،دفتر۔خارجہ کے مطابق احتجاج سفارتی چینلز کے ذریعے کیا گیا،ذرائع کا کہنا ہے کہ امریکی ناظم الامور کودفتر خارجہ طلب کرکے شدید احتجاج انکے حوالے کیا گیا،امریکہ پرواضح کردیا گیا ہے کہ پاکستان کواپنے اندرونی معاملات میں مداخلت کسی صورت میں قبول نہیں ہے۔
اس سے قبل قومی سلامتی کمیٹی کے اجلاس میں پاکستان کو دھمکی آمیز خط بھیجنے والے ملک کو بھرپور جوابی ردعمل دینے کا فیصلہ کیا گیا تھا،اعلامیے کے مطابق مشیر قومی سلامتی معید یوسف نے شرکا کو بریفنگ میں بتایا تھا کہ غیر ملکی سینئر آفیشنل نے ملاقات میں پاکستانی سفیر کو پیغام دیا، پاکستانی سفیر نے پیغام وزارت خارجہ کو ارسال کیا، غیر ملکی مراسلہ پاکستان میں کھلی مداخلت ہے، غیر ملکی اعلامیہ کسی صورت قبول نہیں کیا جاسکتا۔
اجلاس میں مزید کہا گیا تھا کہ پاکستان اس ملک کے سفیر اور اس ملک کو بھرپور جوابی پیغام بھیجے گا، کمیٹی نے وزیر اعظم کی زیرِ صدارت کابینہ کمیٹی کے فیصلےکی توثیق کی کہ معاملے کو پارلیمنٹ کی سکیورٹی کمیٹی کے ان کیمرا سیشن میں لانا چاہیے،وزیراعظم عمران خان نے 27 مارچ کو اسلام آباد کے پریڈ گراؤنڈ میں ہونے والے پاکستان تحریک انصاف کے جلسے ”امر بالمعروف“ سے خطاب کے دوران ایک خط لہرایا تھا،وزیر اعظم کا کہنا تھا پاکستان میں بیرونی مداخلت کی مدد سے حکومتیں تبدیل کی جاتی ہیں، ہمیں بھی ایک ملک نے دھمکی آمیز خط بھیجا ہے۔
دوسری جانب وزیراعظم پاکستان کیلیے دھکمی آمیزخط امریکا نے تمام الزامات کو مسترد کر دیا،پریس بریفنگ کے دوران پوچھے گئے سوال کے جواب میں امریکی محکمہ خارجہ کے ترجمان نیڈ پرائس کا کہنا تھا کہ امریکا پرعائد الزامات میں کوئی حقیقت نہیں۔
انہوں نے کہا کہ ہم پاکستان کی صورتحال کا جائزہ لے رہے ہیں،پاکستان کے آئینی عمل کی حمایت اور احترام کرتے ہیں امریکا پر عائد ان الزامات میں کوئی حقیقت نہیں،وائٹ ہاؤس کی کمیونیکیشن ڈائریکٹر کیٹ بیڈنگ فیلڈ نے بھی کہا کہ ان الزامات میں کوئی حقیقت نہیں ہے۔
- Featured Thumbs
- https://www.siasat.pk/data/files/s3/pak-and-us-letter.jpg
