ہاردیک پانڈیا نے ہاتھوں میں گیند تھام کر اس پر کچھ پڑھ کر پھونکا اور امام الحق کیچ آئوٹ ہو گئے : ویڈیو وائرل
آئی سی سی کرکٹ ورلڈکپ 2023ء کے احمد آباد کے نریندر مودی کرکٹ سٹیڈیم میں آج پاکستان کا بھارت کے خلاف میچ ہوا جس میں بھارت نے قومی کرکٹ ٹیم کو 7 وکٹوں کے ساتھ شکست دے دی۔ بھارت نے ٹاس جیتنے کے بعد پہلے بائولنگ کروانے کا فیصلہ کیا اور پوری پاکستانی ٹیم کو 42.5 اوورز میں 191 رنز پر ڈھیر کر دیا۔ بھارت نے 192 رنز کا ہدف بآسانی 30.3 اوورز میں 3 وکٹوں کے نقصان پر حاصل کر لیا۔
قومی کرکٹ ٹیم کے اوپننگ بلے باز امام الحق 73 رنز کے مجموعی سکور پر 36 رنز بنانے کے بعد بھارتی آل رائونڈر کھلاڑی ہاردیک پانڈیا کی گیند پر آئوٹ ہو گئے تھے۔ ہاردیک پانڈیا کے امام الحق کو آئوٹ کرنے کی ویڈیو وائرل ہو رہی ہے جس میں وہ گیند پر کچھ پھونک رہے ہیں۔ ہاردیک پانڈیا نے امام الحق کو گیند کروانے سے پہلے اس پر کچھ پونکھا جس کے بعد سوشل میڈیا صارفین میں یہی موضوع زیربحث ہے۔
ہاردیک پانڈیا نے ہاتھوں میں گیند تھام کر اس پر کچھ پڑھ کر پھونکا اور امام الحق کو گیند کروائی تو وہ وکٹوں کے پیچھے کیچ آئوٹ ہو گئے جس کی ویڈیو سوشل میڈیا پر وائرل ہو رہی ہے۔
ویڈیو وائرل ہونے کے بعد سوشل میڈیا پلیٹ فارمز پر نئی بحث کا آغاز ہو گیا۔ کچھ لوگوں نے کہا کہ ہاردیک پانڈیا نے گیند پر تھوک لگائی ہے تو کسی نے کہا کہ گیند پر کوئی منتر پڑھ کر پھونک رہے ہیں اور کچھ اسے میجک منترا پکار رہے ہیں۔
میچ میں ایک اور موقع پر بھارتی بلے باز ویرات کوہلی تھوڑی سی دیر کے لیے سٹیڈیم سے باہر چلے گئے جس کی وجہ غلط جرسی پہننا بنی۔ بھارتی کرکٹر نے جو جرسی پہن رکھی تھی اس کے کاندھے پر سفید دھاریاں بنی تھیں جبکہ بھارتی ورلڈکپ جرسی پر بھارتی کے جھنڈے کے رنگ کی دھاریاں بنی ہوئی ہیں۔ کوہلی کی جرسی سے متعلق متعدد بھارتی صارفین نے ٹؤئٹ کیے جس کے بعد وہ گرائونڈ سے باہر جاکر جرسی تبدیل کر کے واپس آئے۔
- Featured Thumbs
- https://www.siasat.pk/data/files/s3/10immmnmmodnfi.png
