افغان حکومت نے مکس مارشل آرٹس کو غیر شرعی قرار دیکر اس پر پابندی عائد کردی

افغانستان میں مکس مارشل آرٹس کو غیر شرعی قرار دیدیا گیا ہے جس کے بعد طالبان حکومت نے اس کھیل پر پابندی عائد کردی ہے۔

تفصیلات کے مطابق افغان وزارت کھیل کی جانب سے جاری کردہ ایک بیان میں مکس مارشل آرٹس پر پابندی کا اعلان کرتے ہوئے کہا گیا ہے کہ حکومت اس کھیل کو غیر شرعی سمجھتے ہوئے اس پر پابندی عائد کررہی ہے۔

ذرائع کا کہنا ہے کہ افغان وزارت امر بالمعروف و نہی عن المنکر میں افغانستان کی پولیس نے مکس مارشل آرٹس کی اسلامی یا شرعی قوانین کے حوالے سے تحقیقات کی، اس دوران اس کھیل کے کئی پہلوؤں کو اسلامی تعلیمات کے منافی پایا گیا، تحقیقات کے بعد وزارت نے ملک میں مکس مارشل آرٹس پر مکمل پابندی عائد کرنے کی سفارش کی۔

اس سفارش کے بعد وزارت کھیل نے مکس مارشل آرٹس پر مکمل پابندی عائد کی، وزارت کھیل کے مطابق پہلے مکس مارشل آرٹس پر جزوی پابندی عائد تھی، اس پابندی کی وجہ اس کھیل میں زخمی ہونے یا موت کا سبب بننے اورتشدد جیسے تصورات ہیں۔

خیال رہے کہ افغانستان میں مقبول ترین کھیلوں میں سے ایک کھیل مکس مارشل آرٹس ہے، پیر س اولمپکس میں افغانستان کی جانب سے 11 ایتھلیٹس نے شرکت کی تھی جن میں سے 4 مکس مارشل آرٹس کے تھے۔

 

[انقلاب]

Good initiative in a country where violence has been the way of life.

 

[M_Shameer]

اسلام کے حساب سے دیکھا جائے تو ہر کھیل غیر شرعی ہے، کیونکہ اسلام نے واضح طور پر کھیل کود کو لہو و لعب بتایا ہے۔ اس لئے افغان طالبان کوچاہئے کہ کرکٹ، فٹ بال سے لے کر ہر قسم کے کھیل پر پابندی لگادے، اسلام کا پوری طرح نفاذ کرے چیری پکنگ نہ کرے۔ میوزک ڈرامہ اور آرٹ وغیرہ پر تو پہلے ہی پابندی ہے، ایک اسلامی ریاست میں ہنسنے، کھیلنے، کودنے اور تفریح کے ہر کام پر پوری طرح پابندی ہونی چاہئے کیونکہ اسلام یہی کہتا ہے ۔۔

پاکستان میں جن لوگوں کو اسلام کا بخار چڑھا رہتا ہے وہ بھی افغانستان میں جاکر رہیں اور اسلامی زندگی انجوائے کریں۔ ​

 

[Yaar20]

یہ مذہبی جنونی لوگ اپنے پیروں سے اگے نہیں دیکھ سکتے بلکہ وہاں دیکھنے پر بھی درمیان میں ان کے پیٹ حائل ہو جاتے ہیں