گلوکار ابرار الحق نے بالی وڈ کے مشہور ہدایتکار کرن جوہر اور ان کے پروٖڈکشن ہاؤس دھرما پر ان کی اجازت کے بغیر ماضی کا گانا 'نچ پنجابن' اپنی نئی فلم جگ جگ جیو میں استعمال کرنے پر برہمی کا اظہار کیا ہے۔
دھرما پروڈکشن نے اتوار کو اپنے سوشل میڈیا اکاؤنٹ پر فلم جگ جگ جیو کا ٹریلر ریلیز کیا جس میں ابرارالحق کا 2002 میں ریلیز ہونے والا مشہور گانا نچ پنجابن چوری کر کے استعمال کیا گیا ہے۔
تاہم بعد ازاں ابرارالحق نے ٹوئٹر پر بیان جاری کرتے ہوئے کہاکہ "میں نے اپنا گانا "نچ پنجابن" کسی بھارتی فلم کو نہیں بیچا اور اس کے ہرجانے کے دعوے کے لیے میں عدالت جانے کا حق رکھتا ہوں"۔
انہوں نے مزید لکھا کہ کرن جوہر جیسے پروڈیوسرز کو گانا کاپی نہیں کرنا چاہیے، یہ میرا چھٹا گانا کاپی کیا جا رہا ہے جس کی ہرگز اجازت نہیں دی جائے گی۔
یاد رہے کہ اس سے قبل بھی پاکستان کے متعدد گانوں کو بالی ووڈ اپنی فلموں کو سپر ہٹ بنانے کیلئے چوری کرتا ہے۔ کچھ روز پہلے حدیقہ کیانی کے گانے بوہے باریاں کی چوری کا معاملہ سامنے آیا تھا جب کہ اس سے قبل جوبن نوٹیال نے بھی پاکستانی گانا دل غلطی کر بیٹھا ہے کو چوری کیا تھا۔
- Featured Thumbs
- https://www.siasat.pk/data/files/s3/jug-jug-geo-karan-jhrrrr.jpg
