ملک میں کہیں بھی آٹا 48 رورپے فی کلو گرام نہیں،مزمل اسلم
وزرات خزانہ کے سابق ترجمان مزمل اسلم نے موجودہ حکومت کو خوب آڑے ہاتھوں لیا، ٹویٹ کیا کہ نئی حکومت کے تحت ڈیٹا میں ہیرا پھیری شروع ہوگئی ہے،ایس پی آئی کو نیچے لانے کے لیے گندم کے آٹے کی قیمتوں میں 10 فیصد کمی کر کے 48 فی کلوگرام کر دیا گیا ہے،مزمل اسلم نے مزید لکھا کہ ملک میں کہیں بھی اس قیمت پر آٹا دستیاب نہیں ہے،اس کے باوجود ہفتے کے اختتام پر ایس پی آئی 15.86 رپورٹ ہوا۔
ملک میں ہفتہ وار بنیادوں پر مہنگائی کی شرح 0.43 فیصد بڑھ گئی ہے،ایک ہفتے میں ٹماٹر پیاز انڈوں سمیت پچیس اشیائے ضروریہ مہنگی ہوئیں،ادارہ شماریات کے مطابق ایک ہفتے میں ٹماٹر 24 روپے 17 پیسے پیاز 8 روپے 24 پیسے فی کلو اور انڈے 4 روپے 98 پیسے فی درجن مہنگے ہوئے۔
زندہ مرغی کی قیمت 5 روپے 54 پیسےفی کلو بڑھی، دال مسور 3 روپے 24 پیسے فی کلو، ڈھائی کلو گھی کا ٹن 14 روپے 2 پیسے اور مٹن 3 روپے 80 پیسے فی کلو مہنگا ہوا،ادارہ شماریات کے مطابق حالیہ ہفتے دال مونگ ، ماش لہسن، آلو سمیت دیگر اشیاء بھی مہنگی ہوئیں۔
ایک ہفتے میں چار اشیائے ضروریہ کی قیمتوں میں کمی ہوئی،بیس کلو آٹے کا تھیلا 106 روپے 94 پیسے، چینی 89 پیسے فی کلو، دال چنا 57 پیسے فی کلو سستی ہوئی، ایک ہفتے میں 22 اشیائے ضروریہ کی قیمتوں میں استحکام رہا۔
- Featured Thumbs
- https://www.siasat.pk/data/files/s3/muzamil-asalm-shehbaz-fl.jpg
