شہباز شریف نے گزشتہ روز آصف علی کی شاندار بیٹنگ کی بدولت ٹیم کی جیت پر کی گئی ایک پوسٹ کے کمنٹ پر صارف کو دلچسپ جواب دیدیا۔
تفصیلات کے مطابق مسلم لیگ ن کے صدر میاں شہباز شریف نے گزشتہ روز افغانستان کے خلاف میچ میں پاکستان کی شاندار فتح پر تبصرہ کرتے ہوئے ٹویٹر پر ایک پیغام جاری کیا جس میں ان کا کہنا تھا کہ جیت اور گارنٹڈ انٹرٹینمنٹ ، پاکستان کے برابر ہے، قومی کرکٹ ٹیم کو مبارکباد۔
شہباز شریف کی ٹویٹ پر ان کے مداحوں ، ووٹرز اور سوشل میڈیا صارفین نے کمنٹس کرنا شروع کردیئے، انہیں کمنٹس کے درمیان ایک کمنٹ اطہر ستی نامی صارف کا بھی تھا جس کے کمنٹ پر شہباز شریف جواب دیئے بغیر نہ رہ سکے۔
اطہر ستی نے شہباز شریف کے بیان پر کمنٹ کرتے ہوئے کہا کہ میں لاہور میں آصف علی کے نام کا ایک انڈر پاس بنتا دیکھ رہا ہوں۔
شہباز شریف نے اطہر ستی کے اس دلچسپ تبصرے پر جواب دیا اور کہا کہ آصف علی کی شاٹس ویسے فلائی اوور والی ہی تھیں۔
شہباز شریف نے اطہر ستی کے کمنٹ کا جواب دیتے ہوئے ان کی اصلاح بھی کرنے کی کوشش کر ڈالی کہ انڈر پاس زمین کے نیچے ہوتا ہے آصف علی کی شاٹس زمین سے اوپر تھیں تو یہ ان کی مناسبت فلائی اوور سے بنتی ہے۔
شہباز شریف کے اس جواب پر وزیراعظم عمران خان کے معاون خصوصی برائے احتساب و داخلہ مرزا شہزاد اکبر نے بھی طنز کیا اور کہا کہ شاٹس کونسے ہنی برج جیسی تھیں؟۔
- Featured Thumbs
- https://www.siasat.pk/data/files/s3/15shahbaz.jpg
