آسٹریلوی وزیراعظم پر تنقید کرنا مہنگا پڑ گیا، سابق کرکٹر مائیکل سلیٹر کو اپنی نوکری سے ہاتھ دھونا پڑا
سابق آسٹریلوی کرکٹر مائیکل سلیٹر جو کہ اپنے دور کے مایہ ناز کھلاڑی رہے ہیں ان کو اپنے ملک کے وزیراعظم موریسن کی گورننس کے خلاف بیانات کی قیمت چکانی پڑ گئی۔
تفصیلات کے مطابق مائیکل سلیٹر مئی کے مہینے میں کورونا وائرس کے باعث آئی پی ایل کے ملتوی ہونے پر کہا تھا کہ اگر کسی کو کچھ ہو گیا تو وزیراعظم موریسن کے ہاتھ اس کے خون سے رنگے ہوں گے۔
یاد رہے کہ مائیکل سلیٹر آسٹریلوی ٹی وی کی کمنٹری ٹیم کا حصہ تھے اور خیال کیا جا رہا ہے کہ انہیں اپنے ان بیانات کے باعث اس نوکری سے فارغ کیا گیا ہے۔ چینل انتظامیہ نے کہا ہے کہ انہیں مائیکل سلیٹر کی مزید خدمات درکار نہیں ہیں۔
چینل انتظامیہ نے مائیکل سلیٹر سے کہا ہے کہ وہ انہیں بجٹ کی کمی کے باعث ہٹا رہے ہیں اور اسی وجہ سے ان کے ساتھ ماضی میں ہونے والے معاہدے میں مزید توسیع نہیں کی جا رہی۔
یاد رہے کہ بھارت میں ڈیلٹا ویرینٹ کے بدترین پھیلاؤ کے دوران مائیکل سیلٹر خود دیگر کمنٹیٹرز اور کھلاڑیوں کے ساتھ آئی پی ایل کے سلسلے میں بھارت میں ہی موجود تھے۔
مائیکل سلیٹر نے مئی میں آسٹریلوی حکومت کی جانب سے بھارت سے آسٹریلوی شہریوں کی وطن واپسی پر پابندی کے فیصلے پر شدید تنقید کی تھی اور اس وقت بھارت میں پھنسے ہوئے آسٹریلوی کھلاڑیوں کی کھل کر حمایت کی تھی۔
واضح رہے کہ تب آسٹریلوی وزیر اعظم نے انڈین پریمیئر لیگ میں حصہ لینے والے آسٹریلوی کھلاڑیوں سے کہا تھا کہ آئی پی ایل میں کھلاڑی انفرادی حیثیت میں شریک ہیں ، اس لیے وہ وطن واپسی کے انتظامات خود کریں۔
- Featured Thumbs
- https://www.siasat.pk/data/files/s3/slai1i11.jpg
