انڈین پریمئر لیگ(آئی پی ایل) کے گزشتہ روز ہونےو الے ایک میچ میں نو بال نہ دینے پر اسٹیڈیم میں موجود شائقین نے ایمپائر کیلئے "چیٹر چیٹر" کے نعرے لگادیئے۔
تفصیلات کے مطابق آئی پی ایل 2022 کے سنسنی خیز مقابلوں کے دوران گزشتہ روز دہلی کیپٹلز اور راجھستان رائلز کے مابین میچ میں ایک تنازعہ کھڑا ہوا جس کے بعد دہلی کے کھلاڑیوں کی ایمپائر سے لڑائی ہوگئی۔
معاملہ کچھ یوں ہوا کہ دہلی کو میچ کے آخری اوور میں 36 رنز درکار تھے، ابتدائی تین گیندوں پر دہلی کےبیٹسمین روومین پاویل نے تین چھکے جڑدیئے جس سے میچ میں سنسنی مزید بڑھ گئی، تاہم تیسری گیند روومین پاویل نے اپنی ٹانگ کے اوپر سے فل ٹاس کھیلی تھی تاہم فیلڈ ایمپائرز نے اسے نو بال نہ قرار دینےکا فیصلہ کیا۔
نان اسٹرائیکر اینڈ پر موجود دہلی کے بیٹسمین کلدیپ نے اس فیصلےکی مخالفت کی جس کے بعد دونوں بلے بازوں اور ایمپائرز کے درمیان بحث شروع ہوگئی، اس بحث میں دہلی کیپیٹلز کےڈگ آؤٹ سے ٹیم کے کپتان رشبھ پنٹ بھی شامل ہوگئے۔ انہوں کھلاڑیو کو واپس بھی بلایا مگر شین واٹسن کے سمجھانے پر انتہائی قدم اٹھانے سے باز رہے۔
جب یہ ساری بحث اور گرما گرمی جاری تھی تو اچانک گراؤنڈ میں موجود دہلی کیپیٹلز کے شائقین نے زور زور سے "چیٹر چیٹر" کے نعرے لگانا شروع کردیئے، دہلی کیپٹلز کی ٹیم فیلڈ ایمپائرز سے مطالبہ کرتے رہے کہ نو بال کیلئے معاملہ تھرڈ ایمپائر کو ریفر کیا جائے مگر فیلڈ ایمپائر اپنے فیصلے پر ڈٹے رہے۔
کافی دیر بعد دہلی کے اسسٹنٹ کوچ پراوین امرے نے میدان میں آکر ایمپائر سے بات کی اور پھر میچ بغیر نو بال کے بغیر شروع ہوگیا جس کے بعد دہلی 15 رنز سے اس میچ میں شکست سے دوچارہوگئی۔