پاکستان کا بجٹ خسارہ 6.9، مہنگائی10.2، شرح نمو 4 فیصد رہے گی، آئی ایم ایف
آئی ایم ایف نے پاکستان کیلئے چھٹے اقتصادی پروگرام کی منظوری کے بعد اعلامیہ جاری کردیا،جس کے مطابق پاکستان میں کورونا کی پہلی لہر کے بعد معاشی سرگرمیاں بحال لیکن مہنگائی اور کرنٹ اکاؤنٹ خسارہ بڑھ رہا ہے۔
اعلامیے میں کہا گیا کہ رواں سال مہنگائی کی شرح 10.2فیصد اور جاری کھاتوں کا خسارہ منفی 4 فیصد، معاشی شرح نمو 4 فیصد رہنے کا امکان ہے، بجٹ خسارہ 6.9 فیصد اور حکومتی قرضے جی ڈی پی کے 82 فیصد تک رہنے کا امکان ہے۔
اعلامیہ میں آئی ایم ایف نے کہا کہ حکومت کی طرف سے کیے گئے حالیہ اقدامات معیشت اور قرضوں کے استحکام کیلیے مناسب ہیں،معاشی اصلاحات سے روزگار کے نئے مواقع پیدا ہوں گے۔
آئی ایم ایف نے اسٹیٹ بینک ترمیمی بل کی منظوری کا خیرمقدم کرتے ہوئے کہا کہ اسٹیٹ بینک کو مہنگائی اور معاشی استحکام لانے کا مینڈیٹ دیا گیا،مانیٹری پالیسی کے ذریعے کیے گئے اقدامات ضروری ہیں۔
پاکستان میں ٹیکس اور توانائی کے شعبے میں اصلاحات کرنے پر زور دیتے ہوئے آئی ایم ایف نے کہا کہ گردشی قرضوں کے پلان سے پیداواری لاگت وصول ہوگی اور توانائی شعبے کی سبسڈیز کو بہتر کیا جاسکے گا۔
آئی ایم ایف نے روزگار بڑھانے کیلئے پیداوار، سرمایہ کاری اور نجی شعبے کی ترقی کو مضبوط بنانے پربھی زور دیا،دوسری جانب آئی ایم ایف کی ڈپٹی ایم ڈی اور قائم مقام چیئرپرسن اینٹونیٹ سیہ نے کہا ہے کہ کورونا چیلنجز کے باوجود پاکستانی معیشت بحالی کی جانب گامزن ہے۔
گزشتہ روز عالمی مالیاتی فنڈ نے پاکستان کیلئے چھٹی قسط کی منظوری دے دی،وزیر خزانہ شوکت ترین نے ٹوئٹ میں بتایا کہ آئی ایم ایف کے ایگزیکٹو بورڈ نے چھٹی قسط کی منظوری دے دی ہے۔
- Featured Thumbs
- https://www.siasat.pk/data/files/s3/imf-pakiai11.jpg
