An open letter: Im talking to you
Published: August 28, 2011
When talking about Karachis violence, we forget to speak to one group of people that matters as well . TEXT: MAHIM MAHER/DESIGN: AMNA IQBAL
Mere aziz hum watno. Nahi, ye mera matlab nahi tha. Mere aziz Karachi wallay. Agar aap Karachi ke un larkon se hain jinhon ne hathiar uthaey hain, me aap se mukhatib hun.
Jab se Karachi me killings shuru huey the, me, The Express Tribune ki city editor, aur hamarey reporters is ko cover karne me lag gae. Magar is ke dauran mujhe bar bar ye khayal ata tha ke hum siraf police, siyasatdaan, government officials ka version lete rahe.
Hum tadziakaar se poochtay rahe ke, Aap ka kya khyal he, ye sab kyun ho raha he?
Is khoon-kharabay ko hum kaise khatam kar sakte hain? Mujhe bar bar ye baat tang karti thi ke jahan tak aap logon ka mokaf tha, humain is ka zara sa bhi andaza nahi tha.
Aap se baat karna bohat door ki baat thi.
Kabhi me andar hi andar sochti thi ke aap log TV pe, aur akhbaron me bayanaat ko sun kar, aur parh kar shayad hum sab pe hanstey honge: Dunya kya janti he ke hum kis cheez se guzr rahe hain, aap sochte honge.
Akhir kaar, thak kar, me ne ye socha ke shayad ek chota sa hul ye hoga, ke me aap tak ye paigham pohnchaun. Aap se directly baat nahi kar sakti, magar ap ko likh to sakti hun.
Jab me university me parh rahi thi, to mujhe ye sikhaya gaya ke kisi aur ke liye kabhi baat nahi karte, kyunke aap ko kabhi ye nahi maloom ho sakta he ke asl me un pe kya guzr rahi ho. Is principle ko madde nazr rakh kar me ne hamesha sahafat karne ki koshish ki he.
Aur in dinon me bhi mujhe bura laga ke hum, sahafi ho kar, puri duniya se baat kar sakte hain, magar wo asl log, jo is situation me mulawiz hain, jo asl actor hain, kisi ne un ka version nahi liya.
Bohat sarey log aap ke liye agay agay barh kar apni raey dete hain. Magar aap se kisi ne poochne ki zehmat nahi ki.
Theory ko chor dain, wo to professor aur intellectuals ka drawing room ka kaam he.
Asl me mujhe ye shak he (aur siraf aap bata sakte hain) ke aap ke dil me bohat zyada narazgi he, dukh he, confusion he.
Aap ko aap ka haq nahi mila hoga. Aap pe so demand honge. Aur aap me se kuch log shayad, shayad ek jaal me phans chuke hain. Party se aap nikl nahi sakte. Aur party ke baghair aap mehfuz nahi reh sakte. Aap muashre se door ho gaey.
Shayad aap ne ek dafa jo goli chalai to aap ko samaj me aya ke asl quwat ye he.
Shayad aap ne theek samjha. Shayad aap wapas nahi jana chahte. Aap powerless mehsoos hona pasand nahi karte.
Bandook jab bolti he, sab chup ho jate hain.
Shayad aap ko ye lagta he ke aap ka koi mustaqbil nahi ho sakta Karachi me jab tak aap se kai gunah zyada taqatwar siyasatdaan hain. Akhir marna hi he sab ko.
Shayad aap ko ye maloom he ke agli aap ki bari he?
Violence se aur violence niklega, hamesha ye ek purana theory he. Ham sab ke andar kisi ko marne ki salahiat, zulm karne ki salahiat he.
Muashra humain dho deti he antiseptic se. Aur ye umeed karti he ke hum achey bachon ki tarha school jaenge, job karenge, bache peda karenge aur phir marr jaenge.
Magar jis ke hath me taqat he, wohi jeetega.
Mujhe sirf ye fiqr hoti he ke jab koi violence kisi aur pe karta he, wo khud badl jata he.
Me aap ki awaz sunna chahti hun. Me ye nahi chahti ke siraf Rehman Malik, Zulfiqar Mirza, Zafar Baloch, Raza Haroon, Farooq Sattar, Yousaf Raza Gilani, Saud Mirza, Wajid Ali Durrani, Ahmed Chinoy humain aap ki kahani bataein.
Aap apne liye baat karein.(www.tribune.com.pk)
Published: August 28, 2011
When talking about Karachis violence, we forget to speak to one group of people that matters as well . TEXT: MAHIM MAHER/DESIGN: AMNA IQBAL
Mere aziz hum watno. Nahi, ye mera matlab nahi tha. Mere aziz Karachi wallay. Agar aap Karachi ke un larkon se hain jinhon ne hathiar uthaey hain, me aap se mukhatib hun.
Jab se Karachi me killings shuru huey the, me, The Express Tribune ki city editor, aur hamarey reporters is ko cover karne me lag gae. Magar is ke dauran mujhe bar bar ye khayal ata tha ke hum siraf police, siyasatdaan, government officials ka version lete rahe.
Hum tadziakaar se poochtay rahe ke, Aap ka kya khyal he, ye sab kyun ho raha he?
Is khoon-kharabay ko hum kaise khatam kar sakte hain? Mujhe bar bar ye baat tang karti thi ke jahan tak aap logon ka mokaf tha, humain is ka zara sa bhi andaza nahi tha.
Aap se baat karna bohat door ki baat thi.
Kabhi me andar hi andar sochti thi ke aap log TV pe, aur akhbaron me bayanaat ko sun kar, aur parh kar shayad hum sab pe hanstey honge: Dunya kya janti he ke hum kis cheez se guzr rahe hain, aap sochte honge.
Akhir kaar, thak kar, me ne ye socha ke shayad ek chota sa hul ye hoga, ke me aap tak ye paigham pohnchaun. Aap se directly baat nahi kar sakti, magar ap ko likh to sakti hun.
Jab me university me parh rahi thi, to mujhe ye sikhaya gaya ke kisi aur ke liye kabhi baat nahi karte, kyunke aap ko kabhi ye nahi maloom ho sakta he ke asl me un pe kya guzr rahi ho. Is principle ko madde nazr rakh kar me ne hamesha sahafat karne ki koshish ki he.
Aur in dinon me bhi mujhe bura laga ke hum, sahafi ho kar, puri duniya se baat kar sakte hain, magar wo asl log, jo is situation me mulawiz hain, jo asl actor hain, kisi ne un ka version nahi liya.
Bohat sarey log aap ke liye agay agay barh kar apni raey dete hain. Magar aap se kisi ne poochne ki zehmat nahi ki.
Theory ko chor dain, wo to professor aur intellectuals ka drawing room ka kaam he.
Asl me mujhe ye shak he (aur siraf aap bata sakte hain) ke aap ke dil me bohat zyada narazgi he, dukh he, confusion he.
Aap ko aap ka haq nahi mila hoga. Aap pe so demand honge. Aur aap me se kuch log shayad, shayad ek jaal me phans chuke hain. Party se aap nikl nahi sakte. Aur party ke baghair aap mehfuz nahi reh sakte. Aap muashre se door ho gaey.
Shayad aap ne ek dafa jo goli chalai to aap ko samaj me aya ke asl quwat ye he.
Shayad aap ne theek samjha. Shayad aap wapas nahi jana chahte. Aap powerless mehsoos hona pasand nahi karte.
Bandook jab bolti he, sab chup ho jate hain.
Shayad aap ko ye lagta he ke aap ka koi mustaqbil nahi ho sakta Karachi me jab tak aap se kai gunah zyada taqatwar siyasatdaan hain. Akhir marna hi he sab ko.
Shayad aap ko ye maloom he ke agli aap ki bari he?
Violence se aur violence niklega, hamesha ye ek purana theory he. Ham sab ke andar kisi ko marne ki salahiat, zulm karne ki salahiat he.
Muashra humain dho deti he antiseptic se. Aur ye umeed karti he ke hum achey bachon ki tarha school jaenge, job karenge, bache peda karenge aur phir marr jaenge.
Magar jis ke hath me taqat he, wohi jeetega.
Mujhe sirf ye fiqr hoti he ke jab koi violence kisi aur pe karta he, wo khud badl jata he.
Me aap ki awaz sunna chahti hun. Me ye nahi chahti ke siraf Rehman Malik, Zulfiqar Mirza, Zafar Baloch, Raza Haroon, Farooq Sattar, Yousaf Raza Gilani, Saud Mirza, Wajid Ali Durrani, Ahmed Chinoy humain aap ki kahani bataein.
Aap apne liye baat karein.(www.tribune.com.pk)
