![dollor.jpg](/proxy.php?image=https%3A%2F%2Furdu.arynews.tv%2Fwp-content%2Fuploads%2F2020%2F10%2Fdollor.jpg&hash=059c95fa71a361d57bfc92320d4793bd)
کراچی: ڈالر کی قدر میں تنزلی کا سلسلہ جاری ہے، انٹر بینک میں ڈالر پانچ روپے سستا ہوگیا ہے۔
تفصیلات کے مطابق انٹربینک میں ڈالر کی قیمت میں بڑی کمی دیکھنے کو ملی ، پاکستانی روپے کے مقابلے میں ڈالر 5 روپیہ 52 پیسے سستا ہوگیا ہے۔فاریکس ڈیلرز کے مطابق اوپن مارکیٹ میں ڈالرپانچ روپے سستا ہوکر 216 روپے 39 پیسے میں فروخت ہورہا ہے جبکہ بینک 215 سے 217 روپے میں فروخت کر رہے ہیں۔
معاشی ماہرین کا کہنا ہے کہ آئی ایم ایف کی جانب سے رواں ماہ کے اختتام تک قرض پروگرام کی بحالی کے باعث ڈالر کی قدر میں تنزلی ہورہی ہے۔ماہرین کا کہنا ہے کہ 28 جولائی کے 239روپے 94 پیسے کے مقابلے میں اب تک انٹر بینک مارکیٹ میں مجموعی طور پر 18روپے 3پیسے کی کمی واقع ہوئی ہے۔
گذشتہ روز بھی ڈالر مزید 2 روپے 13 پیسے سستا ہوکر 221 روپے 91 پیسے آیا تھا جبکہ جمعہ کے روز انٹر بینک میں ڈالر 224 روپے 4 پیسے پر بند ہوا تھا۔ یاد رہے کہ 3 اگست کو انٹر مارکیٹ میں ڈالر بُری طرح لڑکھڑا گیا تھا۔ صرف ایک دن میں اس کی قدر میں تاریخی کمی ہوئی تھی اور 226 پر سطح پر آگیا تھا۔
Source