لاہور کے علاقے اقبال ٹاؤن میں موبائل فون کی دکان میں ڈکیتی کی واردات کی سی سی ٹی وی ویڈیو سامنے آگئی ہے،اے آر وائی نیوز کے مطابق ملزمان موبائل فون کی دکان میں داخل ہوئے اور موبائل فون اور نقدی چرا کر فرار ہوگیے۔
ذرائع کے مطابق ملزمان نے دکان سے 80 لاکھ روپے نقدی اور تقریباً ایک کروڑ مالیت کے 46 موبائل فونز چوری کیے،
سی سی ٹی وی فوٹیج میں دیکھا جاسکتا ہے کہ تین چوروں نے پہلے دکان کے باہر ریکی کی، پھر دکان کے تالے توڑ کر اندر داخل ہوئے۔
ملزمان کو دکان کا صفایا کرتے اور فرار ہوتے بھی دیکھا جاسکتا ہے،متاثرہ دکاندار کی درخواست پر مقدمہ درج کرکے واقعے کی تحقیقات شروع کردی۔
گزشتہ ماہ لاہور کے اقبال ٹاؤن میں ہی ڈکیتی کی واردات کے دوران 4 ڈاکو کپڑے کی دکان سے 55 لاکھ روپے لوٹ کر فرار ہوگئے تھے۔
واردات اقبال ٹاؤن پاک بلاک میں کپڑے کی دکان میں ہوئی تھی ، 4 ڈاکوؤں نے دکان کے گارڈ کو یرغمال بنا کر لوٹ مار کی اور نقدی ، کپڑے کے سامان کو لے اڑے تھے۔