پی ٹی آئی کور کمیٹی گروپ میں مائنس عمران کی گونج
صحافی زبیر علی خان کا کہنا ہے کہ خبر ہے کہ پی ٹی آئی کے کور کمیٹی گروپ میں وزیراعلی علی امین گنڈاپور کو کے پی اسمبلی سے بجٹ منظور کروانے پر شدید تنقید کا سامنا ہے۔ سینئیر رہنماؤں نے وزیراعلی کو آڑے ہاتھوں لے لیا۔
انہوں نے سوال اٹھایا کہ 27 جون سے قبل بجٹ کیوں منظور کیا گیا؟ کل عمران خان سے بہنوں کی ملاقات کا دن تھا، ہم نے بجٹ منظور کرنے کی مشروط اجازت دی تھی کہ اگر عمران خان سے ملاقات نہ کروائی گئی تو 27 جون کو بجٹ منظور کر لیا جائے
زبیر علی خان کے مطابق وزیراعلیٰ علی امین گنڈاپور پر سوالات اٹھانے میں سلمان اکرم راجہ پیش پیش تھے۔
شہباز گل کا کہنا تھا کہ آج کے پی بجٹ پاس کر لیا گیا۔ میری پوزیشن اس پر واضح ہے۔ خان صاحب کی اجازت کے بغیر یہ بجٹ پاس نہیں کرنا چاہئیے تھا۔ اگر ضرورت تھی تو پندرہ دن کا بجٹ پاس کیا جاتا لیکن کچھ دوست سمجھتے ہیں یہ ممکن نہ تھا۔ اس ڈویلپمنٹ پر دل اداس ہے اور شدید افسوس ہے۔
صحافی عدیل راجہ کا کہنا تھا کہ خیبرپختونخوا حکومت کو بجٹ کی اتنی جلدی کیا پڑی ہے ان کے پاس 30 جون کا ٹائم ہے عمران خان کو دھوکا دینے والوں کی فہرست بڑی لمبی ہے لیکن ان میں بیرسٹر گوہر اور علی امین سر فہرست ہیں
Last edited by a moderator:
