پاکستان کی نامور اداکاراؤں ماہرہ خان، مایا علی اور درفشان سلیم نے عمران خان کے بیٹوں کا تبصرے کےس اتھ انٹرویو انسٹاگرام پر شئیر کردیا
تفصیلات کے مطابق کچھ روز قبل عمران خان کے بیٹوں قاسم خان اور سلیمان خان نے ایک امریکی صحافی کو انٹرویو دیا اور کہا کہ عمران خان ذہنی طور پر بہت مضبوط انسان ہیں، جن لوگوں کو میں جانتا ہوں ان میں سے سب سے زیادہ باحوصلہ ہیں، جب بھی بات ہو وہ ہمارے بارے میں پوچھتے ہیں، وہ ایسے انسان نہیں جو کہ شکایت کریں۔
انہوں نے مزید کہا کہ والد نے ہمیں خاموش رہنے کو کہا لیکن اب ہمارے پاس کوئی چارہ نہیں، ہم نے سوچا تھا کہ یہ چند ہفتے کےلئے ہو گا، اب تو 2 سال ہو گئے، اُنہوں نے عمران خان کو دھندلانے کی کوشش کی، یہاں تک کہ 1992 کے ورلڈکپ کی تصاویر کو بھی مٹا دیا
قاسم اور سلیمان کے مطابق ہماری جب والد سے بات کرائی جاتی ہے تو لائن 20 منٹ پر کٹ جاتی ہے، آدھا وقت وہ ہمیں نصیحتیں کرتے ہیں، باقی ہماری زندگیوں کے بارے میں پوچھتے ہیں، وہ اُنہیں توڑنے کی کوشش کر رہے ہیں لیکن وہ ڈیل نہیں کرینگے
انہوں نے مزید کہا کہ ہمارے والد 70 سال کے ہیں، اُنہیں گولی مار دی گئی، علاج کےلئے ڈاکٹر بھی نہیں دیا گیا، یہ انصاف نہیں، اذیت ہے، آج وہ سزائے موت کے قیدیوں کے لئے بنائے گئے 7x8 کے سیل میں ہیں، جہاں نہ روشنی ہے، نہ وکیل، نہ ڈاکٹر
عمران خان کے بیٹوں کا یہ انٹرویو سوشل میڈیا پر خوب وائرل ہوا اور تقریبا کروڑوں لوگوں نے یہ انٹرویو دیکھا۔ پاکستان کی نامور اداکارائیں ماہرہ خان، مایا علی اور درفشان سلیم نے بھی یہ انٹرویو شئیر کیا
اداکارہ ماہرہ خان نے انٹرویو شئیر کرتے ہوئے کہا کہ ایمان کو قائم رکھئے۔
اداکارہ مایا علی نے انٹرویو شئیر کرتے ہوئے لکھا کہ ہم نے کبھی ہار نہیں مانی اور نہ ہی کبھی ہم مانیں گے ۔
درفشان سلیم نے ریلیز عمران خان کے کمنٹ کیساتھ یہ انٹرویو شئیر کیا
