بھارتی ٹیم کے کپتان ویرات کوہلی کو ٹیم سے باہر کردیا گیا ہے اور ان کی جگہ روہت شرما کو کپتان مقرر کیا گیا ہے۔
ورلڈ کپ کے پہلے مرحلے میں ہی باہر ہونے والی بھارتی ٹیم کے کپتان ویرات کوہلی کو آئندہ نیوزی لینڈ کی سیریز کیلئے ٹیم سے باہر کردیا گیا اور ان کی جگہ روہت شرما کو کپتان مقرر کردیا گیا ہے۔
میڈیا رپورٹس کے مطابق بھارتی کرکٹ بورڈ نے ورلڈ کپ کے بعد بھارت کی نیوزی لینڈ سے شیڈولڈ سیریز کیلئے16 رکنی اسکواڈ کا اعلان کردیا ہے جس میں کپتان ویرات کوہلی سمیت متعدد سینئر کھلاڑیوں کو شامل نہیں کیا گیا ہے۔
ٹیم سے باہر ہونے والے کھلاڑیوں میں ویرات کوہلی، ہارڈک پانڈیا، جسپریت بمرا، روینڈرا جڈیجا اور محمد شامی شامل ہیں۔
نیوزی لینڈ سیریز کیلئے اعلان کردہ 16 رکنی اسکواڈ میں کپتانی کی ذمہ داریاں روہت شرما کو سونپی گئی ہیں جبکہ ایل کے راہول کو نائب کپتان مقرر کیا گیا ہے۔
نوجوان کھلاڑیوں پر مشتمل 16 رکنی اسکواڈ میں رتوراج گائیکواد، شریاس ایئر، سوریا کمار یادیو، رشب پنت، ایشان کشن، وینکاتیش ایئر، یوزوندرا چاہل، آر ایشون، اکشر پاٹیل، ایوش خان، بھووینیشور کمار ، دیپک چاہار، ہرشل پاٹیل اور محمد سراج شامل ہیں۔
بھارت اور نیوزی لینڈ کے خلاف سیریز کا آغاز 17 نومبرسے ہوگا جس میں تین ٹی 20 اور 2 ٹیسٹ میچز کھیلے جائیں گے۔
- Featured Thumbs
- https://www.siasat.pk/data/files/s3/virat-rohit-sharma-11.jpg
