سینئر تجزیہ کار عارف حمید بھٹی نے کہا ہے کہ عمران خان کو اپوزیشن سے کوئی خطرہ نہیں ہے تاہم حکومت کی اپنی پالیسیاں ان کی دشمن ضرور بن سکتی ہیں۔
جی این این کے پروگرام "خبر ہے" میں گفتگو کرتے ہوئے عارف حمید بھٹی کا کہنا تھا کہ عمران خان کہتے ہیں کہ ان کی حکومت کیلئے تین ماہ اہم ہے تاہم میری نظر میں آئندہ 2 ماہ ہی اہم ہیں، عوام جب سے اس ملک میں پیدا ہوئے ہیں ان کیلئے ہر دور ہی نازک اور خطرناک ہے۔
انہوں نے مزید کہا ہے اپوزیشن ایک پیج پر نہیں ہے لہذا وہ حکومت کیلئے خطرہ نہیں ہے عمران خان کی دشمن ان کی اپنی پالیسیاں ہیں، جن میں عوام سے غلط بیانی، جھوٹے وعدے شامل ہیں۔
عارف حمید بھٹی نے کہا کہ وزیراعظم نے آج تسلیم کیا کہ ہم احتساب کرنے میں ناکام رہے، شہباز شریف کو کوئی بچانے کی کوشش کررہا ہے، ملکی ادارے بھی معیشت کی مخدوش صورتحال پر تشویش میں مبتلا ہیں کہ اس طرح ملک آگے نہیں چل سکتا، میرے نزدیک آئندہ 2 مہینے اس حکومت کیلئے نتیجہ خیز ثابت ہوں گے۔
- Featured Thumbs
- https://www.siasat.pk/data/files/s3/imran-khan-and-bhatiii.jpg
