Siasi Jasoos
Chief Minister (5k+ posts)
کراچی : ملکی مرکزی بینک نے شعبہ بینکاری کا ششماہی کارکردگی جائزہ برائے 2019 جاری کر دیا، شعبہ بینکاری پہلی ششماہی کے دوران مضبوط رہا۔
سٹیٹ بینک آف پاکستان کی جائزہ رپورٹ کے مطابق شعبہ بنکاری کی کارکردگی کلّی معاشی ماحول کی دشواری کے باوجود تسلّی بخش رہی۔حالیہ رپورٹ کے مطابق بنکوں نے اپنی نمو کی رفتار برقرار رکھی، ان کے اثاثوں میں 2019ءکی پہلی ششماہی کے دوران 5.3 فیصد اضافہ ہوا۔
مرکزی بینک کے مطابق 7.9 فیصدجس کی بنیادی وجہ ڈپازٹس ہیں جن میں 2016ءکی پہلی ششماہی سے اب تک بلند ترین نمو ہوئی ہے۔ قرضوں کی نمو میں کچھ کمی آئی ہے، جو کہ اقتصادی سست روی کا نتیجہ ہے۔رپورٹ میں کہا گیاہے کہ سرمایہ کاری میں معمولی اضافہ ہوا اور بنکوں نے طویل مدتی سرکاری تمسکات یعنی پاکستان انویسٹمنٹ بانڈز میں دوبارہ دلچسپی لی۔ شعبہ بینکاری کا بحیثیت مجموعی رسک پروفائل مضبوط رہا۔
اسی طرح شعبہ بنکاری کی آمدنی خالص سودی آمدنی میں اضافے کی بنا پر بڑھ گئی ہے۔ اس کے نتیجے میں نفع یابی کے تمام اظہاریوں میں بہتری دکھائی دی۔رپورٹ کے مطابق شرحِ کفایتِ سرمایہ 16.1 فیصد ہے جو ملکی اور بین الاقوامی سطح کے کم از کم بنچ مارک بالترتیب 11.9 فیصد اور 10.5 فیصد سے خاصی بلند ہے۔اس جائزے میں اسٹیٹ بنک کے سسٹمک رسک سروے کے چوتھے مرحلے کے نتائج بھی شامل ہیں۔
http://gnnhd.tv/urdu/index.php/Pakistan/7895-1571598000
- Featured Thumbs
- https://i.imgur.com/T9Ljeti.jpg
Last edited by a moderator:
