سابق امریکی صدر ڈونلڈ ٹرمپ کا ٹوئٹر اکاؤنٹ بحال کردیا گیا، ٹویٹر اکاؤنٹ ایلون مسک کے ایک ٹوئٹر پول کے بعد بحال کیا گیا جس میں اکثریت نے ڈونلڈ ٹرمپ کے حق میں رائے دی
معروف امریکی چینل سی این این نے دعویٰ کیا ہے کہ سابق امریکی صدر ڈونلڈ ٹرمپ کا ٹوئٹر اکاؤنٹ بحال کردیا گیا جو جنوری 2021 سے معطل تھا۔
ایلن مسک نے اپنے ٹویٹر اکائونٹ سے پیغام میں لکھا کہ: ٹویٹر کی نئی پالیسی تقریر کی آزادی ہے لیکن رسائی کی آزادی نہیں!
گزشتہ روز ماجی رابطوں کی ویب سائٹ ٹویٹر کے نئے مالک ایلون مسک نے سابق امریکی صدر ڈونلڈ ٹرمپ کے ٹویٹر اکائونٹ کی بحالی کے حوالے سے صارفین سے سوال پوچھا تھا کہ انہیں ٹویٹر پر اپس لانا چاہیے یا نہیں؟
جس پر اب تک لاکھوں ٹویٹر صارفین نے اپنے رائے کا اظہار کیا ہے جس میں 52 فیصد ٹویٹر صارفین نے ڈونلڈ ٹرمپ کے ٹویٹر اکائونٹ کو بحال کرنے کے حق میں ووٹ دیا۔
ایک اور ٹویٹر پیغام میں ایلن مسک نے لکھا کہ: ڈونلڈ ٹرمپ کے ٹویٹر اکائونٹ کی بحالی کیلئے پول پر ایک گھنٹے میں 10 لاکھ افراد نے اپنی رائے کا اظہار کیا ہے! انہوں نے یہ پول 24 گھنٹے کیلئے کھلا رکھا ہے۔
یاد رہے کہ سابق امریکی صدر ڈونلڈ ٹرمپ کا ٹویٹر اکائونٹ ایک سال قبل اس وقت معطل کیا گیا تھا جب ڈونلڈ ٹرمپ کے حامیوں نے امریکی پارلیمنٹ پر حملہ کیا تھا اور وہ اپنے حامیوں کو ٹویٹر اکائونٹ سے پیغامات کے ذریعے اکسا رہے تھے جبکہ ان مظاہروں کے نتیجے میں 4 افراد جان سے ہاتھ دھو بیٹھے تھے۔ ایلن مسک اب تک 3 ویب سائٹ اور مشہور شخصیات کے معطل اکائونٹ بحال کر چکے ہیں۔
- Featured Thumbs
- https://www.siasat.pk/data/files/s3/trumph.jpg
