چئیرمین تحریک انصاف اسلام آباد ہائیکورٹ میں پیش ہونے کیلئے اسلام آباد روانہ ہوچکے ہیں۔ان پر الزام ہے کہ انہوں نے ایک فوجی افسر میجر جنرل فیصل نصیر کو ڈرٹی ہیری اور سائیکوپیتھ کہا ہے۔
گزشتہ روز عمران خان نے ٹویٹ کرتے ہوئے کہا تھا کہ کل میں ایک نہایت مضحکہ خیز مقدمےمیں اسلام آباد ہائیکورٹ میں پیش ہوں گاجس سے اب یہ پوری طرح ثابت ہوتاہے کہ ہم واقعتاًجنگل کےقانون کےشکنجے میں ہیں۔
انہوں نے کہا کہ ملک کےاس طاقتور اور خود کو قانون سے بالاتر سمجھنےوالےطبقےنے”توہینِ ڈرٹی ہیری“ اور ”توہینِ سائیکوپیتھ“ کی پاداش میں میرےخلاف پاکستان سے غداری کا مقدمہ قائم کردیا ہے۔
عمران خان کا کہنا تھا کہ یا یوں سمجھ لیجئےکہ محض حوالے کے طور پر کسی شخص کے بارے میں ڈرٹی ہیری اور سائیکوپیتھ جیسی تعبیرات کے استعمال پر (توہینِ ڈرٹی ہیری اور توہینِ سائیکوپیتھ کی پاداش میں) مجھ پر پاکستان سے غداری کا الزام عائد کیا جا رہا ہے۔
- Featured Thumbs
- https://www.siasat.pk/data/files/s3/tauheen-dirtyaas.jpg
