بھارتی ڈومیسٹک لیول کی راجی ٹرافی کیلئے کھیلے جانے والے میچ میں وشنو نامی بلے باز نے اپنی نومولود بیٹی کی وفات کے باوجود شیڈول میچ کھیلا اور ایک سو اکتیس رنز کی جارحانہ اننگز کھیلی۔
بھارتی بلے باز نے اپنی نومولود بیٹی کے جنم اور 24 گھنٹے کے اندر ہی اس کی وفات کے باوجود کرکٹ کے میدان میں جارحانہ بیٹنگ کی جس کے چرچے ہو رہے ہیں۔ وشنو سولنکی بلے باز نے کہرام بپا کر دینے والی سنچری تو بنائی لی لیکن بیٹی کی وفات کی وجہ سے اس پر جشن نہ منایا۔
بھارتی میڈیا کے مطابق دوسرے دن کا کھیل ختم ہونے تک وشنو سولنکی 131 رنز بنا کر ناٹ آؤٹ رہا جب کہ جارحانہ بیٹنگ کی بدولت ٹیم 400 رنز کے قریب پہنچ گئی۔ وشنو سولنکی نے 161 گیندوں پر 12 چوکوں کی مدد سے 103 رنز بنائے۔
وشنو سولنکی بیٹی کی وفات کے بعد اس کی آخری رسومات ادا کرنے کے بعد فوری اسٹیڈیم پہنچے ۔ وشنو اپنی بیٹی کی موت سے بُری طرح ٹوٹے ہوئے تھے۔ اس کی گیم دیکھنے کے بعد ہر کوئی بلے باز کی تعریف کر رہا ہے۔
بڑودہ کرکٹ ایسوسی ایشن کے سی ای او ششیر ہٹنگڈی نے لکھا کہ ایک کرکٹر کی کہانی، جس نے کچھ دن پہلے اپنی بیٹی کو کھو دیا، انہوں نے اپنی بیٹی کی آخری رسومات ادا کیں اور واپس آکر اپنی ٹیم کی نمائندگی کی۔ اس جیسے کھلاڑی ہی اصل زندگی کے ہیرو ہیں۔
لیگ میں شامل سوراشٹرا کرکٹ ٹیم کے وکٹ کیپر اور بلے باز شیلڈن جیکسن نے ٹویٹ کیا کہ وشنو اور ان کے خاندان کو سلام یہ کسی بھی طرح سے آسان نہیں ہے، انہوں نے وشنو کی مزید کامیابی اور ایسے ہی شاندار کھیل کیلئے نیک خواہشات کا اظہار کیا۔
- Featured Thumbs
- https://www.siasat.pk/data/files/s3/vishnu11121.jpg
