بھارت میں بھی کرپشن کا بازار گرم, بھارتی رکن پارلیمنٹ ایس جاگتھرکشکن اور ان کے خاندان پر غیر ملکی اداروں میں غیر قانونی سرمایہ کاری کا انکشاف ہوا, بھارتی رکن پارلیمنٹ کے خلاف کے الزام پر بھارت کے انفورسمنٹ ڈائریکٹوریٹ نے 908 کروڑ روپے کا جرمانہ عائد کردیا۔
انفورسمنٹ ڈائریکٹوریٹ کی طرف سے جاری نوٹیفکیشن میں کہا گیا ادارے نے ستمبر 2020 میں جاگتھرکشکن کے خلاف فارن ایکسچینج مینجمنٹ ایکٹ کے قوانین کی مبینہ خلاف ورزی کے الزام میں تحقیقات کیں
تحقیقات کے بعد مالی تحقیقاتی ایجنسی نے جاگتھرکشکن اور ان کے خاندان کے ارکان کی ملکیتی تقریباً 89.19 کروڑ روپے کی جائیداد ضبط کر لی گئی تھیں, ضبطی کے حکم کو مجاز اتھارٹی نے فروری 2021 میں معطل کر دیا تھا۔ جس کے خلاف انفورسمنٹ ڈائریکٹوریٹ کی اپیل ٹریبونل میں زیر التوا ہے۔
دسمبر 2021 میں انفورسمنٹ ڈائریکٹوریٹ نے فیما کے سیکشن 16 کے تحت جاگتھرکشکن اور ان کے خاندان کے افراد کے خلاف ایک نئی شکایت درج کی۔ جس میں ان پر غیر ملکی اداروں میں غیر قانونی سرمایہ کاری کا الزام لگایا گیا تھا,جگتھرکشکن کے خلاف الزامات میں 2017 کے دوران سنگاپور کی ایک شیل کمپنی میں 42 کروڑ روپے کی سرمایہ کاری، اور سنگاپور میں حصص کا حصول اور اس کے بعد خاندان کے افراد کو منتقلی شامل ہے۔
- Featured Thumbs
- https://www.siasat.pk/data/files/s3/frma1h1h233.jpg
