جنوبی افریقی کرکٹر ڈی کوک نے نسلی پرستی کیخلاف اظہار سے انکار پر معذرت کرلی، انہوں نے نسل امتیاز کے حوالے سے عوام میں شعور بیدار کرنے کے لئے علامتی گھٹنے ٹیکنے سے انکار کردیا تھا، جس پر اب معافی مانگ لی ہے۔
ایکسپریس نیوز کے مطابق جنوبی افریقی ٹیم وکٹ کیپر اور بلے باز کونٹن ڈی کوک کو نسل پرستی کے خلاف علامتی احتجاج کا حصہ بننے کا کہا گیا تو انہوں نے شرکت سے انکار کردیا، جس پر ان کے ساتھی کھلاڑی اور مداح افسردہ ہوگئے تھے، لیکن اب کھلاڑی نے اپنی غطی کا اعتراف کرتے ہوئے سب سے معذرت کرلی ہے۔
ڈی کوک نے واضح کیا کہ وہ نسل پرست نہیں،جنوبی افریقا کرکٹ بورڈ کی طرف سے علامتی احتجاج کی ہدایات کا انداز غلط تھا،جو مجھے اچھا نہیں لگا،انہوں نے کہا کہ اگر میرے گھٹنا ٹیکنے سے عوام میں نسلی امتیاز کے حوالے سے شعور بیدار کرنے میں مدد ملتی ہے اور ان کی زندگی بہتر ہوتی ہے توایسا کرنے میں مجھے کوئی مسئلہ نہیں بلکہ مجھے خوشی ہوگی۔
ویسٹ انڈیز کے خلاف میچ میں کونٹن ڈی کوک کو علامتی احتجاج کا حصہ نہ بننے پر میچ سے باہر بیٹھا دیا گیا تھا، جس کے بعد انہوں نے اپنے اقدام کی وضاحت دیتے ہوئے معافی مانگ لی۔
