Advertisement

وفاقی وزیر علی زیدی کا الیکشن کمیشن کو بڑا چیلنج

12.jpg

وفاقی وزیر بحری امور علی زیدی نے الیکشن کمیشن کو بڑا چیلنج کرتے عملے کے خلاف ہتک عزت کی درخواست دائر کرنے کااعلان کیا ہے۔

خبررساں ادارے کی رپورٹ کے مطابق مائیکروبلاگنگ ویب سائٹ ٹویٹر پر اپنے ایک پیغام میں علی زیدی کا کہنا تھا کہ الیکشن کمیشن کو چیلنج کرتا ہوں ایک پولنگ اسٹیشن ایسا بتائے جس کا میں نے دورہ کیا ہو، میں صرف ایک پولنگ اسٹیشن گیا جہاں میں نے خود ووٹ ڈالا۔

Loading X post…
Open original post on X

انہوں نے مزید کہا کہ اگر الیکشن کمیشن کے عملے کے الزامات سچ ثابت ہوئے تو میں نہ صرف اپنی وزارت بلکہ اپنی اسمبلی رکنیت سے بھی استعفیٰ دیدوں گا۔


علی زیدی کا مزید کہنا تھا کہ لیکن کیا ڈسٹرکٹ ایسٹ کے الیکشن کمشنر امین قریشی میں اتنی اخلاقی جرات ہے کہ وہ اپنی غلطی پر سرعام معافی مانگیں۔

Loading X post…
Open original post on X

واضح رہے کہ کراچی میں کنٹونمنٹ بورڈ کے انتخابات کے دوران الیکشن کمیشن نے ضابطہ اخلاق کی خلاف ورزی کا الزام عائد کرتے ہوئے وفاقی وزیر علی زیدی کو فیصل کنٹونمنٹ بورڈ کے حلقے سے باہر نکالنے کے احکامات جاری کردیئے تھے۔