Advertisement

فیکٹ چیک: کیا واقعی علاج کے بہانے 25 بچوں کے گردے نکال لئے گئے؟

1749979033696.png


سوشل میڈیا پر وائرل ہونے والی پوسٹ میں دعویٰ کیا گیا کہ پنجاب کے شہر صادق آباد میں درجنوں بچوں کے گردے نکال لیے گئے اور یہ واقعہ اعضا کی چوری کا ہے۔

سماجی رابطے کی ویب سائٹ ایکس (سابقہ ٹوئٹر) پر متعدد صارفین نے ایک ویڈیو شیئر کی جس میں کئی بچے چارپائیوں پر لیٹے ہوئے نظر آرہے تھے اور ان کے پیٹ کے نچلے حصے پر پٹیاں بندھی ہوئی تھیں۔ پوسٹ میں کہا گیا کہ یہ بچے اعضا کی چوری، خاص طور پر گردے نکالنے کا شکار ہوئے ہیں۔

ایک پوسٹ میں لکھا گیا: ’’انتہائی افسوسناک واقعہ… صادق آباد، پنجاب میں پتھری کی سرجری کے بہانے 25 افراد کے گردے نکال لیے گئے۔ اگر مریم نواز کو فرسٹ مل جائے تو اس طرف بھی دھیان دیں‘‘
Loading X post…
Open original post on X

Loading X post…
Open original post on X


متعدد سوشل میڈیا صارفین نے یہ ویڈیو شئیر کی مگر یہ خبر 31 مئی یعنی 16 دن پہلے کی ہے جس کی ویڈیوز کچھ دن پہلے وائرل ہوئی تھیں۔
Loading X post…
Open original post on X

ایکسپریس نیوز نے جب ان وائرل ویڈیوز کی حقیقت کا پتہ چلانے کی کوشش کی تو معلوم ہوا کہ توحید میڈیکل کمپلیکس (صادق آباد، ضلع رحیم یار خان) میں درجنوں بچوں کو پیٹ درد کی شکایت پر لایا گیا، جہاں ڈاکٹرز نے غلط تشخیص کرتے ہوئے ان کی اپینڈکس کی غیر ضروری سرجری کردی۔

تحقیقات کے بعد اسپتال کو سیل کردیا گیا اور کیس کو پنجاب ہیلتھ کیئر کمیشن کو مزید کارروائی کے لیے بھیج دیا گیا۔
Loading X post…
Open original post on X

اس طرح یہ دعویٰ درست نہیں ہے۔ اصل میں یہ ویڈیو ان بچوں کی ہے جن پر صادق آباد کے ایک نجی اسپتال میں غلط تشخیص کی بنیاد پر غیر ضروری اپینڈکس کی سرجری کی گئی تھی۔
 
Last edited by a moderator: