کرسی کا نشہ، وہاب ریاض کی کرسی پر جھولنے کی وائرل ویڈیو پر کرکٹ شائقین کا سخت ردعمل۔انہوں نے سوال اٹھایا کہ کیا سوچ کر وہاب ریاض کو اتنا بڑا عہدہ دیا گیا ہے، اسکی تو ٹیم میں جگہ نہیں بن رہی تھی اور اسے چیف سیلیکٹر بنادیا گیا۔
چیف سلیکٹر قومی کرکٹ ٹیم وہاب ریاض کی پریس کانفرنس کے دوران 'آرام دہ کرسی پر جھولے' لینے کی ویڈیو سوشل میڈیا پر وائرل ہورہی ہے، ویڈیو میں دیکھا گیا ہے کہ وہاب ریاض ٹی شرٹ میں ملبوس ہیں اور کرسی پر جھولے لے رہیں اور ادھر ادھر اٹکھیلیاں کررہے ہیں۔
سوشل میڈیا صارفین نے اسے کرسی کا نشہ قرار دیا اور کہا کہ اسکے کرسی پر بیٹھنے کے انداز سے ہی پتہ چل سکتا ہے کہ وہ کتنا قابل ہے اور کیا سمجھ کر اسے اتنا بڑا عہدہ دیا گیا
سوشل میڈیا صارفین کا مزید کہنا تھا کہ وہاب ریاض کو اتنا بڑا عہدہ دینا ایسا ہی ہے جیسے بندر کے ہاتھ میں ماچس دینا، جس شخص کی ٹیم میں جگہ نہیں بن رہی تھی اسے بڑا عہدہ دیدیا گیا۔
فہیم اختر کا کہنا تھا کہ فکسر سلمان بٹ آؤٹ، کراچی کے کھلاڑی کو رکھنے سے کراچی والے خوش ہو جائیں گے، اسد شفیق کنسلٹنٹ سلیکشن کمیٹی مقرر، وہاب ریاض کی رات گئے وضاحتی پریس کانفرنس، کرسی کا نشہ ملاحظہ کریں
مرزا اقبال بیگ نے اس پر کہا کہ اقتدار کی کرسی کا نشہ ہی کچھ اور ہے
شمس خٹک نے تبصرہ کیا کہ وہاب ریاض کی سنجیدگی کا اندازہ آپ انکے کُرسی پر بیٹھنے کے انداز سے لگا سکتے ہیں پتہ نہیں کیا سمجھ کر انکو اتنا اہم عہدہ دیا گیا ہے
امجد خان نے کہا کہ ہر شاخ پہ الو بیٹھا ہے انجام گلستاں کیا ہو گا ۔۔
