پاکستان ٹیلی کمیونیکیشن اتھارٹی کی جانب سے صارفین کی سہولیت کیلئے موبائل ایپ متعارف کرادی۔
ایکسپریس نیوز کے مطابق پی ٹی اے نے صارف دوست کمپلینٹ مینجمنٹ سسٹم موبائل ایپلیکیشن صارفین کیلئے مزید سہولیات بڑھانے اور پی ٹی اے کی ٹیلی کام سروس سے متعلق شکایات درج کرانے میں آسانی اور سہولت فراہم کرنے کیلئے متعارف کروائی ہے،یہ ایپ اینڈرائیڈ اور آئی او ایس یعنی ایپل ایپ اسٹور پر دستیاب ہے۔
صارفین ٹیلی کام سروسز، موبائل رجسٹریشن، ڈیوائس آئیڈنٹیفکیشن رجسٹریشن اینڈ بلاکنگ سسٹم، ویب مواد کی رپورٹنگ اور چوری شدہ فون بلاکنگ سے متعلق اپنی شکایات درج کرا سکتے ہیں،ایپ کے ذریعے صارف اپنی شکایات کو ٹریک کرنے اور شکایت کے حل پر رائے بھی دے سکتے ہیں۔
ایپ میں صارفین کی آگاہی کیلئے مختلف مسائل پر اکثر پوچھے گئےسوالات کے جوابات بھی موجود ہیں،پی ٹی اے سی ایم ایس ایپ کا اجراء پی ٹی اے کی جدت طرازی، صارفین کی ضروریات کے بارے میں گہری سمجھ اور ترقی پسند حل کی فراہمی کو ظاہر کرتا ہے۔
یہ ایپ مندرجہ ذیل لنک پر کلک کرکے ڈاؤن لوڈ کی جاسکتی ہے یا گوگل سٹور پر PTA CMS ٹائپ کرکے سرچ کریں تو یہ ایپ سامنے ہوگی۔
صارفین کیلئے پی ٹی اے کے کمپلینٹ مینجمنٹ سسٹم کی ویب انٹر فیس یا پی ٹی اے کے کنزیومر سپورٹ سینٹر کے ٹال فری نمبر55055- 0800(صبح 9 بجے سے رات 9 بجے تک، ہفتے کے 7دن)کے ذریعے بھی شکایت کی سہولت موجود ہے جبکہ ویب سائٹ https://complaint.pta.gov.pk/RegisterComplaint.aspx کے ذریعے بھی شکایت درج کرائی جاسکتی ہے۔
