بنگلہ دیش کے وکٹ کیپر بیٹسمین مشفق الرحیم ہاتھ سے گیند روکنے کی وجہ سے آؤٹ قرار دیدیے گئے۔
تفصیلات کے مطابق بنگلہ دیش اور نیوزی لینڈ کے درمیان جاری ٹیسٹ سیریز کے دوسرے میں کی پہلی اننگز میں مشفق الرحیم عجیب انداز میں آؤٹ ہوگئے۔
ہوا کچھ یوں کہ میچ کے دوران 41ویں اوور میں مشفق الرحیم نے ایک گیند کو بیٹ کے بجائے ہاتھ سے روکنے کی کوشش کی، اس حرکت پر نیوزی لینڈ کے کھلاڑیوں نے مشفق الرحیم کے آؤٹ کیلئے اپیل کی تو فیلڈ ایمپائر نے معاملہ تھرڈ ایمپائر کو ریفر کردیا۔
ایکشن ری پلے میں مشفق الرحیم کی جانب سے جان بوجھ کر گیند کو ہاتھ سے روکنے کی کوشش کرنے پر انہیں آؤٹ قرار دیدیا گیا، انہوں نے83 گیندوں کا سامنا کرتے ہوئے35 اسکور بنائے تھے۔
خیال رہے کہ آئی سی سی کے 2017 کے قوانین کے مطابق کوئی بھی بیٹسمین گیند کو ہاتھ کی مدد سے وکٹ کی جانب جانے سے روکنے کی کوشش نہیں کرسکتا،اگر کوئی بیٹسمین ایسا کرے گا تو اسے آؤٹ قرار دیدیا جائے گا۔
