ماریانا ٹرنچ اس کرہ ارض کا گہرا ترین مقام ہے. بحر الکاہل میں اس کی گہرائی سطح سمندر سے قریباً گیارہ ہزار میٹر نیچے ہے. ڈاکٹر شاہد مسعود کے پروگرام کا معیار بڑی تیزی سے اتنی گہرائی کی طرف جا رہا ہے. چھ ماہ کی خواہشات کو خبر بنانے کی کوششوں کے بعد اپنی راے کو باوزن بنانے کے لئے ڈاکٹر صاحب کی اسکوبا ڈائیو کے مہمانوں کی لسٹ ملاحظہ فرمایں
شاہین صہبائی سے شیخ رشید
شیخ رشید سے ذولفقار مرزا
اور آج ذولفقار مرزا سے فیصل رضا عابدی
لیول کی اس تنزلی کا اگلا مہمان کون ہو سکتا ہے، کیا طاہر القادری؟
ڈاکٹر صاحب کی پر خلوص خواہشیں لیکن جن کا کوئی سر پیر دور دور تک نظرنا آیا
آپریشن بہت تیزی سے منطقی انجام کی طرف بڑھ رہا ہے
آنے والے دنوں میں آپریشن مزید تیز ہو گا
جو سمجھتے ہیں کے آپریشن سلوو ہو گیا ہے وہ احمقوں کی جنت میں رہتے ہیں
آپریشن سلوو ہونے کی وجہ ٹیکٹیکل ہے
این آر او نہیں ہو گا
لسٹیں تیار ہیں
انٹرپول سے گرفتاریاں ہونے جا رہی ہیں
وغیرہ وغیرہ
ڈاکٹر صاحب کا پروگرام پاکستان کا مقبول ترین پروگرام ہے. ہم پاکستانیوں کو نیوز اور انٹرٹینمنٹ چینلز میں فرق سمجھنا ہو گا. ڈاکٹر صاحب کو سمجھانے کا تو کوئی فائدہ نہیں .
اسما حیات کے میک اپ کا میعار ماؤنٹ ایورسٹ کی طرف اور ڈاکٹر صاحب کی پیشین گوئیوں کا میعار ماریانا ٹرنچ کی طرف رواں دواں ہے.