نون لیگ دو ہزار سترہ کی بات کرتی ہے لیکن دس سال پہلے اور اپنے اقتدار کے نتائج کی بات نہیں کرتی . وہ کہتے ہیں جو نواز شریف اور اسحاق ڈار چار سال میں گل کھلا گۓ بس وہ ہی ان کی کاردکردگی ہے جو نتائج بعد کی حکومت نے بھگتے وہ انہیں نہیں قبولتے . بات کچھ ایسے ہے کہ پچھلی حکومت کے شروع کردہ منصوبوں بشمول عالمی منڈی میں تیل کی کم قیمت اور بشمول چالیس ارب ڈالر کا قرض ملا کر نون لیگ نے چار سال میں مہنگائی کنٹرول کر لی تھی لیکن قرض کا جو ریکارڈ توڑا اس کا نتیجہ ملک کا دیوالیہ ہی نکلنا تھا
جب بی بی شہید کی بے مثال قربانی کے بعد ملک میں جمہوریت بحال ہوئی اور اسٹبلشمنٹ کا کردار ختم ہونے کو تھا تب نون لیگ نے ملک میں جوڈیشل مارشل لا متعارف کروا کر اسٹبلشمنٹ کا کردار حکومت میں برقرار رکھا . یہ نون لیگ ہی تھی جس نے سب سے پہلے جمہوری حکومت کے خلاف لانگ مارچ نکالا ملک میں جوڈیشل مارشل لا لگوایا اور نیب کے ساتھ گٹھ جوڑ کر کے رینٹل پاور اور حج سکینڈل جسے جھوٹے کرپشن کے سکینڈل بنواۓ . نون لیگ جمہوریت کی جڑ میں جوڈیشل ایکٹوزم اور نیب سکینڈلز کا رمبا رکھ دیا تھا . بات یہاں ختم نہیں ہوتی ابھی اسٹبلشمنٹ کا پٹا بھی گلے میں درکار تھا اور تصدیق کی مہر بھی چاہئیے تھی تب میاں نواز شریف وفا کا بندھن باندھنے غداری کا مقدمہ میمو سکینڈل لے کر عدالت پہنچ گۓ . بات یہاں ختم نہیں ہوتی یہ شرف بھی نون لیگ کو حاصل ہے کہ انہوں نے ایک وزیر اعظم کو عدالت سے نا اہل کروایا . یہ نون لیگ ہی تھی جس نے ایک بار پھر اسٹبلشمنٹ کا بھوت زندہ کر دیا تھا اس بار جرنیل کی صورت نہیں بلکہ جج کی صورت عوامی راج ایک بار پھر اسٹبلشمنٹ کے پیروں تلے روند دیا گیا تھا
جہاں نون لیگ نے اسٹبلشمنٹ کو نیا جنم کروایا وہیں معاشی انجنئر اسحاق ڈار نے اپنی انجنئرنگ سے ملکی دیوالیے کا نناوے فیصد حصہ ڈالا . دنیا بھر میں معیشتیں زمینی حقائق کی بنیاد پر ترقی کرتی ہیں لیکن جناب اسحاق ڈار نے زمینی حقائق کے الٹ معیشت کو قرض سے مستحکم دکھانے کی کوشش کی . بجاۓ ملکی قرضوں میں کمی کا روڈ میپ بنانے کے اسحاق ڈار نے قرضوں کا ورلڈ ریکارڈ بنا دیا اور قرضے خرچ ہوے نام نہاد سڑکوں اور میٹروز پر . ایک طرف ایکسپورٹس سکڑتی رہیں تو دوسری طرف امپورٹس کے نۓ ریکارڈ بنتے رہے ملک کے بیرونی اکاونٹ کا ستیا ناس پھیر دیا اور جب ناکام ہو گیا تو ملک چھوڑ کر بھاگ گیا . قرض کا انبار اس کے ساتھ بجلی گھروں کی ڈالروں میں پیمنٹ نام نہاد پیک کی اربوں ڈالروں میں بنی سڑکیں ملکی معیشت یہ سب برداشت ہی نہیں کر سکتی تھی . اسحاق ڈالر کی قرض پالیسی کے تحت ملک کا دیوالیہ ہی نکلنا تھا جو نکل گیا
بات یہاں ختم نہیں ہوتی ابھی نون لیگ کا سب سے بڑا تحفہ جو اس قوم کو دیا اس کا ذکر باقی نون لیگ نے قوم کو افتخار چوہدری کا جج انقلاب دیا تو جنرل باجوہ کی ڈاکٹرائن بھی نواز شریف کی زنبیل سے برآمد ہوئی . جنرل باجوہ کو ملک کا سربراہ لگانے کا گناہ بھی نون لیگ نے ہی کیا لیکن یہ الگ بات ہے اس کے نتائج قوم نے بھگتے اور وہ خود لندن فرار ہو گۓ . وقت بھی کتنا ظالم ہے جب وقت نے گیلانی کے بدلے نواز کو نا اہل کیا تو اب ملکی دیوالیہ بھی اصل مجرم اسحاق ڈار کے گلے پڑ گیا ہے . اب پاکستان کی تاریخ کے ہولناک دیوالیے کا بوجھ بھی اصل مجرم اسحاق ڈار کو اٹھانا ہے . یہ کہنے سے ذمہ داری نہیں ٹلے کہ پچھلے یہ کر گۓ اب تو ملکی تباہی کی ذمہ دار نون لیگ ہی ہے