پاکستان کے مایہ ناز قومی فاسٹ بائولر شاہین شاہ آفریدی اپنی تباہ کن گیندبازی کے باعث دنیا بھر کی ٹیموں کے بلے بازوں کیلئے خوف کی علامت بن چکے ہیں۔ شاہین اپنے خطرناک یارکرز سے مخالف بلے بازوں کے دل دہلانے اور میچز کے ابتدائی اوورز میں حریف بلے بازوں کی وکٹیں اڑانے کے باعث دنیا بھر کی کرکٹ ٹیموں میں اپنی دھاک بٹھانے میں کامیاب ہو چکے ہیں۔
شاہین شاہ آفریدی نے برطانیہ انگلینڈ اور ویلز کرکٹ بورڈ کی زیرنگرانی کھیلے جانے والے 100 گیندوں کے مینز کرکٹ ٹورنامنٹ دی ہنڈرڈ کی فرنچائز ویلش فائر کی طرف سے اپنی صلاحیتوں کا بھرپور اظہار کر رہے ہیں۔ دی ہنڈرڈ میں شاہین شاہ آفریدی کے بائولنگ ایکشن کو "ہیلمٹ کیم" سے عکسبند کیا گیا جس کی ویڈیو سوشل میڈیا پر مقبول ہو رہی ہے۔
Loading X post…
Open original post on Xدی ہنڈرڈ ایونٹ میں 23 سالہ قومی پیسر شاہین آفریدی کی شارٹ پچ ڈلیوری ہیلمٹ والے کیمرے سے عکسبند گیا جس میں ایسا لگ رہا ہے کہ بجلی کا کوندا سا لپکا اور مخالف ٹیم کے بلے باز پہلی ہی گیند پر کیچ دے کر آئوٹ ہو گئے۔ سابق لیجنڈ قومی فاسٹ بائولر سرفراز نواز کی طرف سے بھی 23 سالہ شاہین شاہ آفریدی کو غیرمعمولی گیندباز قرار دیا گیا تھا۔
Loading X post…
Open original post on Xسرفراز نواز نے کا میڈیا سے گفتگو میں کہنا تھا کہ شاہین شاہ آفریدی انتہائی غیرمعمولی گیندباز ہے جو مخالف ٹیم کیلئے اپنے ابتدائی 2 سے 3 اوورز میں ملک ثابت ہوتا ہے۔ نئی گیند کے ساتھ پیس، سیم یارکر اور سوئنگ کرنے والے گیندباز میں نے انتہائی کم دیکھے ہیں۔ شاہین آفریدی دی ہنڈرڈ ایونٹ کے بعد افغانستان کیخلاف 3 ون ڈے میچوں کی سیریز میں ان ایکشن ہوں گے جو سری لنکا میں کھیلی جا رہی ہے۔
Loading X post…
Open original post on Xعلاوہ ازیں یو اے ای کی انٹرنیشنل لیگ (آئی ایل ٹی) کی معروف فرنچائز ڈیزرٹ وائپرز کی طرف سے اپنے دوسرے سیزن کیلئے قومی فاسٹ بائولر شاہین شاہ آفریدی سے 3 سال کیلئے معاہدہ کر لیا ہے۔ شاہین آفریدی کا کہنا تھا کہ ڈیزرٹ وائپرز کا حصہ بننے پر انتہائی پُرجوش ہوں، یو اے ای میں پاکستانی شائقین کی بڑی تعداد موجود ہے۔ڈیزرٹ وائپرز آئی ایل ٹی 20 کے پچھلے سیزن میں رنراپ ٹیم تھی۔
Loading X post…
Open original post on X- Featured Thumbs
- https://www.siasat.pk/data/files/s3/6سھاھععنافرییدیگایند.jpg
Advertisement





