PAINDO
Siasat.pk - Blogger
- Joined
- Aug 29, 2010
- Posts
- 8,049
- Reaction score
- 15,805
- Points
- 113
جنوبی میکسیکو میں ایک قدیم مایا برداری نے اکیس دسمبر دو ہزار بارہ تک پورے ایک سال کی الٹی گنتی شروع کر دی ہے۔
اکیس دسمبر دو ہزار بارہ کو قدیم مایا کیلنڈر پر پانچ ہزار سال کا ایک چکر مکمل ہوگا۔
اسی بارے میں
[*=right]دو انتہائی بڑے بلیک ہول دریافت
[*=right]’زمین کے مرکز میں انوکھی دھاتی تبدیلیاں‘
[*=right]زمین کا ’جڑواں‘ سیارہ دریافت
متعلقہ عنوانات
[*=right]سائنس
بعض لوگ اس پیش گوئی کو کسی بڑی قدرتی آفت کے طور پر پیش کرتے ہیں لیکن مایا بردری کے محققین کا کہنا ہے کہ یہ دن دنیا کے خاتمے یا کسی بڑی تباہی کی بجائے ایک دور کے خاتمے کو ظاہر کرتا ہے۔
مایا برادری کے مذہبی رہنما اس موقع پر خصوصی مذہبی تقریبات کا انعقاد کر رہے ہیں جبکہ میکسیکو کے سیاحت کے حکام علاقے میں بڑی تعداد میں سیاحوں کی آمد کے لیے تیاریاں کر رہے ہیں۔
میکسیکو کی سیاحت سے متعلق ایجنسی کا کہنا ہے کہ آئندہ سال پانچ کروڑ بیس لاکھ سیاحوں کی آمد متوقع ہے اور ان میں سے زیادہ تر مایا برادری کی گڑھ جنوبی ریاستوں چیاپس، یوکیٹن، کوئنٹنا روو اور ٹباسکو کا رخ کریں گے۔
قدیم مایا تہذیب علم نجوم ، ریاضی اور زندگی کے چکر سے کافی متاثر ہے۔
مایا تہذیب کا کیلنڈر تین ہزار ایک سو چودہ قبلِ مسیح شروع ہوا تھا اور اس کیلنڈر میں تین سو چورانوے سال کا ایک دور ’بکٹون‘ کہلاتا ہے اور سال دو ہزار بارہ میں اس کیلنڈر کا تیرہواں بکٹون دور ختم ہو جائے گا۔
موجودہ دور کے ماہر فلکیات کی نظر میں اس دور کے خاتمے کو خصوصی اہمیت حاصل ہے۔
اس دن دنیا کے خاتمے کا تصور تیرہ سو سال پہلے پتھروں پر مایا برادری کی عبارتوں سے اخذ کیا گیا تھا اور یہ نتائج مختلف ویب سائٹس کے ذریعے دنیا بھر میں پھیل گئے۔
تاہم آثار قدیمہ اور مایا تہذیب کے ماہرین کا کہنا ہے کہ یہ پیش گوئی دنیا کے خاتمے یا تباہی کی بجائے دنیا میں ایک طاقت وار خدا کی واپسی کو ظاہر کرتی ہے۔
تاہم ماہرین کے رائے مایا کیلنڈر کے حوالے سے دنیا بھر میں پائے جانے والے خوف کو کم نہیں کر سکی ہے۔
سیاحت کی ایجنسی کے حکام کا کہنا ہے کہ جو لوگ اس بات پر یقین رکھتے ہیں کہ دنیا کے خاتمے کا وقت قریب ہے وہ کسی بھی تاخیر سے قبل مایا علاقے کے دورے کا موقع کھونا نہیں چاہتے۔
Last edited by a moderator:





