لاہور میں خواجہ سرا نے رکشہ میں بیٹھی خواتین سے پیسے مانگنے سے منع کرنے پر رکشہ ڈرائیور کو تشدد کا نشانہ بنایا ، جس سے رکشہ ڈرائیور کی موت واقع ہوگئی، خواجہ سرا گرفتار۔
تفصیلات کے مطابق افسوسناک واقعہ لاہور کے علاقے وحدت کالونی میں پیش آیا جہاں عدنان نامی خواجہ سرا نے رکشہ میں بیٹھی خواتین سے پیسے مانگنے کی کوشش کی، رکشہ ڈرائیور غلام شبیر نے سواریوں کو تنگ کرنے پر خواجہ سرا کو روکا جس پر خواجہ سرا مشتعل ہوگیا۔
خواجہ سرا نے رکشہ ڈرائیور کو بدترین تشدد کا نشانہ بنایا جس سے رکشہ ڈرائیور کی موت واقع ہوگئی، رکشہ ڈرائیور کی موت پر رکشہ ڈرائیورز نے شدید احتجاج کرتے ہوئے وحدت کالونی مین روڈ بند کردیا، پولیس نے رکشہ ڈرائیورز سے مذاکرات کے بعد سڑک کو ٹریفک کیلئے کھول دیا ہے۔
ایس ایچ او تھانہ تھانہ اقبال ٹاؤن کے مطابق ملزم خواجہ سرا عدنان کو گرفتار کرلیا گیا ہے اور تفتیش کا آغاز بھی کردیا گیا ہے۔
