Advertisement

ارشد شریف قتل کیس کمیشن کے سربراہ کون ہیں؟سوال اٹھنے لگے؟

arshi11h1h11i21.jpg


ارشد شریف قتل کیس کی تحقیقات کرنیوالے کمیشن کے سربراہ عبدالشکورپراچہ کون ہیں؟ اہم حقائق سامنے آگئے

وفاقی حکومت نے ارشد شریف کی شہادت پر 3رکنی کمیشن بنانے کی منظوری دے دی۔جسٹس (ر)عبد الشکور پراچہ کمیشن کی سربراہی کریں گے۔ایڈیشنل آئی جی پولیس عثمان انور،آئی بی کے عمر شاہد حامد کمیشن میں شامل ہیں۔

کمیشن سینئر صحافی ارشد شریف کی شہادت سےمتعلق حقائق تلاش کرے گا، کمیشن 30روز میں اپنی رپورٹ پیش کرے گا، ایف آئی اے کمیشن کے لیے سیکرٹریٹ سپورٹ فراہم کرے گا۔

نجی چینل کے مطابق صحافی ارشد شریف قتل کیس کی انکوائری کمیشن کے سربراہ جسٹس (ر) شکور پراچہ پی سی او جج نکلے۔ پی سی او جج شکور پراچہ کیخلاف کرپشن کے الزام میں سپریم جوڈیشل کونسل میں ریفرنس دائر کیا گیا تھا۔


سابق چیف جسٹس افتخار چوہدری نے انہیں آفر کی تھی کہ یا استعفیٰ دیدیں یا اپنے اوپر الزامات کا دفاع کریں جس پر بجائے اپنا دفاع کرنے کے اور پنشن کے حصول کیلئے پی سی او جج شکور پراچہ نے اپنے عہدے سے استعفیٰ دے دیا تھا۔

نجی چینل کے مطابق پی ٹی آئی رہنما شیریں مزاری کے ساتھ پیش آنے والے گرفتاری کے واقعے پر بھی شکور پراچہ کی سربراہی میں ایک کمیشن تشکیل دیا گیا تھا جو اب تک رپورٹ نہیں دے سکا۔

واضح رہے کہ وزیر اعظم شہباز شریف نے ارشد شریف کے قتل پر کہا تھا کہ وہ اسلام آباد ہائی کورٹ کے حاضر سروس جج پر مشتمل ہائی پاورڈ کمیشن بنائیں گے لیکن انہوں نے بجائے کمیشن بنانے کے ایک پی سی او جج کو ذمہ داریاں سونپ دیں۔
 
Advertisement
Govt is doing joke so far. when Arshad sharif Namaz janaza going on these people capture the screen and try to destroy facts, but this Arshad will get them. Commission over Commission over Commission----just to delay the justice. Justice will be served. Aameen.