ارب پتی برطانوی گلوکار و اداکار ڈینی لیمبو اسلام قبول کرنے کے بعد عمرہ کی سعادت حاصل کرنے کیلئے مکہ المکرمہ پہنچ گئے ہیں۔
تفصیلات کے مطابق ارب پتی برطانوی اداکار و گلوکار ڈینی لیمبو نے بیش قیمتی گاڑی لیمبر گینی کی انسیت میں اپنا نام ڈینی کیرن سے ڈینی لیمبو رکھ لیا تھا۔
ڈینی لیمبو نے انسٹاگرام اکاؤنٹ پر جاری اپنے بیان میں اسلام قبول کرنے کا اعلان کیا اور کہا کہ میں کسی ضروری کام سے سعودیہ عرب گیا تھا، کام جلدی ختم ہوگیا جس کے بعد میری مکہ میں ایک شخص سے ملاقات ہوئی جنہوں نے مجھے ایک روحانی اور جذباتی سفر کی طرف گامزن کردیا۔
انہوں نے مزید کہا کہ اب میں ایک مسلمان کے طور پر لندن واپس آیا ہوں۔