ٹوکیو عرفان صدیقی جاپان میں تحریک انصاف اور عمران خان کی مقبولیت میں زبردست اضافہ دیکھا جارہا ہے جس کے باعث جاپان میں مقیم پاکستانی کمیونٹی کی بڑی تعداد اپنی پرانی سیاسی جماعتوں کو چھوڑ کر بڑی تعداد میں تحریک انصاف میں شامل ہورہے ہیں ، اس حوالے سے گزشتہ روز جاپان میں پاکستانی کمیونٹی کی بڑی تعداد رکھنے والے اہم شہر تویاما کی معروف ترین شخصیت اور ایک قومی سیاسی جماعت کے رہنما رفاقت خان اپنے پورے گروپ کے ساتھ تحریک انصاف میں شامل ہوگئے ، جبکہ پاکستان میں ٹیکسلا کے علاقے سے بھی اپنی پوری برادری کو بھی تحریک انصاف میں شامل کرنے کا اعلان کیا، اس حوالے سے گزشتہ روز تویاما شہر میں ایک پروقار تقریب کا انعقاد کیا گیا ہے جس میں بڑی تعداد میں پاکستانی کمیونٹی نے شرکت کی ،جہاں تحریک انصاف جاپان کے جنرل سیکریٹری دولت خان نے رفاقت خان کو تحریک انصاف میں خوش آمدید کہا اور امید ظاہر کی کے رفاقت خان اور دیگر افراد کی تحریک انصاف میں شمولیت سے بڑی مثبت تبدیلی نظر آئے گی