Advertisement

Check Out The Spirit Of A Mother And Her Last Msg For His Martyred Son

Advertisement
اب وقت شہادت ہے


جب 6 ستمبر 1965 کو پاکستان گہری نید سو رہا تھا تب بھارت نے سمجھا کہ پاکستان سو رہا ہے لہٰزا وہ اپنے 600 ٹینک لے کر پاکستان کو فتح کرنے اور انڈین جنرل لاہور میں چاے پینے کے اردہ لیے حملہ آور ہوا۔ جنرل نے اعلان کیا کہ صبح کی چاہے لاہور جا کر پینی ہے اسے اپنی طاقت پر پورا یقین تھا ۔جب دشمن سرحد پر آیا تو جنرل نے دیکھا کہ اس کے 600 سو ٹنکیوں کے سامنے لا الہ الا الللہ محمد رسول الللہ صلی الللہ علیہ والہ وسلم پڑھتے اور عشق رسول میں سرشار اپنی جانیں لیے ٹنکیوں کے سامنے چند لوگ کھڑے ہیں .جنرل نے غرور اور طاقت کے نشے میں چور ہو کر حکم دیا کہ ان کلمہ پڑھتے خالی ہاتھ مسلمانوں کے جسموں کو ان ٹینکوں کے نیچے کچہل دو اور ان کا نام و نشان مٹا دو ۔ فتح کے انداز میں اس نے اشارہ کیا اور بھارت کے ٹینک لوگوں پر چڑ دوڑے ۔ لوگ نعرہ تکبر لگاتے ٹینکوں کی نیچے لیٹ گے پھر کیا تھا کہ تاریخ نے وہ نظارہ دیکھا کہ دنیا حیران رہ گی دنیا نے ٹینک ہوا میں آڑتےہوے دیکھے ۔ اور پھر انڈین جنرل کو سمجھ آیا کہ یہ لوگ شہادت کے جذبے سے سرشار اپنے جسموں پر بم باندھ کر ٹینکوں کے نیچے لیٹ گے ہیں ۔ پاکستانیوں نے ٹینکوں کا قبرستان بنا دیا ۔دشمن کی طاقت کو ، غرور کو اس قبرستان میں دفن کردیا ۔ اتنے ٹینکوں کو دیکھ کر bbc لاہور کی فتح کی خبر نشر کرچکا تھا مگر پھر ان ٹینکوں کا قبرستان دیکھ کر معافی بھی مانگنی پڑھی ۔ یہ دنیا کی ٹینکوں کی سب سے بڑی یلغار تھی جسے ایمان کی طاقت کے آگے منہ کی کھانی پڑھی ۔ اس جنگ میں پاک فضائیہ کے پاس خود اتنے جہاز نہ تھے جتنے انھوں نے آنڈیا کے مار گراے ۔پاکستان کی فوج اور عوام ہر محاز پر ایمان کی طاقت سے اس بے جگری سے لڑے کہ دشمن تو کیا دنیا بھی ورطہ حیرات رہ گی ۔ اس وقت پاکستان کے پاس ہتھیاروں سے زیادہ ایمان کی طاقت تھی تو وہ اپنے سے کئ گناہ بڑے دشمن سے ٹکرا گیا ۔ اور اسے شکست سے دو چار کردیا ۔
یہ 1965 کی جنگ دفاع وطن کی جنگ تھی یہ بڑی قربانیاں دے کر جیتی گی ۔ ہر جگہ آرمی ، فضائیہ اور نیوی کی بہادری کی ہزاروں مثالیں ملیں گیں ۔ ہزاروں اور لازوال قربانیوں کے بعد یہ فتح نصیب ہوئی ۔
آج پاکستان پھر اسی دوہرے پر گھڑا ہے آج پھر دشمن نہ صرف باہر سے حملہ آور ہے بلکہ اب تو اندر سے بھی حملہ آور ہے ۔
آج پھر وہ جذبہ چاہیے اور وہی شوق شہادت کہ اب وقت ہے وطن پر مر مٹنے کا ہے ۔
آج الللہ کے فضل سے 65 کے مقابلے میں سامان جنگ بہت زیادہ ہے مگر اب صرف جذبہ ایمان چاہیے ۔
آب آخری جنگ کی آمد آمد ہے کہ جس کے بعد کوہی جنگ نیں ہوگی اور یہ ہی جنگ محمد مصطفی صلی الللہ علیہ والہ وسلم کے فرمان کے مطابق غزوہ ہند ہوگی ۔ اور اس میں لڑنے والوں کے لیے بشارت ہے یہی لوگ کامیاب و کامران ہوگے دنیا اور آخرت میں ۔
لہٰزا دوستوں تیار ہو جاؤ کہ غزوہ ہند کا وقت آن پہنچا ۔
کہ
اب وقت شہادت ہے
از محمد خلیفہ

​

 
Last edited by a moderator:
ایک غازی

7ستمبر 2005 ء کو واہگہ بارڈر کے راستے بھارتی حکام نے قیدیوں کا ایک گروپ پاکستانی حکام کے حوالے کیا-اس گروپ میں مختلف نوعیت کے قیدی تھے-ان کے ہاتھوں میں گٹھڑیوں کی شکل میں کچھ سامان تھا جو شاید ان کے کپڑے وغیرہ تھے-لیکن اس گروپ میں ساٹھ پینسٹھ سالہ ایک ایسا پاکستانی بھی شامل تھا-جس کے ہاتھوں میں کوئی گٹھڑی نہ تھی-
جسم پر ہڈیوں اور ان ہڈیوں کے ساتھ چمٹی ہوئی اس کی کھال کے علاوہ گوشت کا کوئی نام نہیں تھا-اور جسم اس طرح مڑا ہوا تھا جیسے پتنگ کی اوپر والی کان مڑی ہوتی ہے-خودرو جھاڑیوں کی طرح سرکے بے ترتیب بال جنہیں دیکھ کر محسوس ہوتا تھا کہ طویل عرصے تک ان بالوں نے تیل یا کنگھی کی شکل تک نہیں دیکھی ہو گی-اور دکھ کی بات کہ پاکستان داخل ہونے والے اس قیدی کی زبان بھی کٹی ہوئی تھی لیکن ان سارے مصائب کے باوجود اس قیدی میں ایک چیز بڑی مختلف تھی اور وہ تھیں اس کی آنکھیں جن میں ایک عجیب سی چمک تھی-پاکستانی حکام کی طرف سے ابتدائی کارروائی کے بعد ان سارے قیدیوں کو فارغ کردیا گیا-سارے قیدی اپنے اپنے گھروں کو روانہ ہو گئے-لیکن یہ بوڑھا قیدی اپنے گھر جانے کی بجائے ایک عجیب منزل کی تلاش میں نکل کھڑا ہوا-کانپتے اور ناتواں ہاتھوں سے وہ ٹوٹے ہوئے الفاظ لکھ لکھ کر اپنی منزل کا پتہ پوچھتا رہا اور ہر کوئی اسے ایک غریب سائل سمجھ کر اس کی رہنمائی کرتا رہا-اور یوں 2005 ء میں یہ بوڑھا شخص پاکستان آرمی کی آزاد کشمیر رجمنٹ تک پہنچ گیا وہاں پہنچ کر اس نے ایک عجیب دعوی- کردیا-اس دعوے کے پیش نظر اس شخص کو رجمنٹ کمانڈر کے سامنے پیش کردیا-کمانڈر کے سامنے پیش ہوتے ہی نہ جانے اس بوڑھے ناتواں شخص میں کہاں سے اتنی طاقت آگئی کہ اس نے ایک نوجوان فوجی کی طرح کمانڈر کو سلیوٹ کیا اور ایک کاغذ پر ٹوٹے ہوئے الفاظ میں لکھا
”سپاہی مقبول حسین نمبر 335139 ڈیوٹی پر آگیا ہے اور اپنے کمانڈر کے حکم کا منتظر ہے“کمانڈر کو کٹی ہوئی زبان کے اس لاغر ، ناتواں اور بدحواس شخص کے اس دعوے نے چکرا کے رکھ دیا-کمانڈر کبھی اس تحریر کو دیکھتا اور کبھی اس بوڑھے شخص کو جس نے ابھی کچھ دیر پہلے ایک نوجوان فوجی کی طرح بھرپور سلیوٹ کیا تھا-کمانڈر کے حکم پر قیدی کے لکھے ہوئے نام اور نمبر کی مدد سے جب فوجی ریکارڈ کی پرانی فائلوں کی گرد جھاڑی گئی اور اس شخص کے رشتہ داروں کو ڈھونڈ کے لایا گیا تو ایک دل ہلا دینے والی داستان سامنے آئی -اور یہ داستان جاننے کے بعد اب پھولوں، فیتوں اور سٹارز والے اس لاغر شخص کو سلیوٹ مار رہے تھے-اس شخص کا نام سپاہی مقبول حسین تھا-65 ء کی جنگ میں سپاہی مقبول حسین کیپٹن شیر کی قیادت میں دشمن کے علاقے میں اسلحہ کے ایک ڈپو کو تباہ کرکے واپس آرہا تھا کہ دشمن سے جھڑپ ہو گئی-سپاہی مقبول حسین جو اپنی پشت پر وائرلیس سیٹ اٹھائے اپنے افسران کے لئے پیغام رسانی کے فرائض کے ساتھ ہاتھ میں اٹھائی گن سے دشمن کا مقابلہ بھی کر رہا تھا مقابلے میں زخمی ہو گیا-سپاہی اسے اٹھا کر واپس لانے لگے تو سپاہی مقبول حسین نے انکار کرتے ہوئے کہاکہ بجائے میں زخمی حالت میں آپ کا بوجھ بنوں، میں دشمن کا مقابلہ کرتے ہوئے آپ کیلئے محفوظ راستہ مہیا کرتا ہوں-ساتھیوں کا اصرار دیکھ کر مقبول حسین نے ایک چال چلی اور خود کو چھوٹی کھائی میں گرا کر اپنے ساتھیوں کی نظروں سے اوجھل کرلیا- دوست تلاش کے بعد واپس لوٹ گئے تو اس نے ایک مرتبہ پھر دشمن کے فوجیوں کو آڑے ہاتھوں لیا- اسی دوران دشمن کے ایک گولے نے سپاہی مقبول حسین کو شدید زخمی کردیا- وہ بے ہوش ہو کر گرپڑا اور دشمن نے اسے گرفتار کرلیا- جنگ کے بادل چھٹے تو دونوں ملکوں کے درمیان قیدیوں کی فہرستوں کا تبادلہ ہوا تو بھارت نے کہیں بھی سپاہی مقبول حسین کا ذکرنہ کیا-اس لئے ہماری فوج نے بھی سپاہی مقبول حسین کو شہید تصورکرلیا-بہادر شہیدوں کی بنائی گئی ایک یادگار پر اس کا نام بھی کندہ کردیا گیا-ادھربھارتی فوج خوبصورت اور کڑیل جسم کے مالک سپاہی مقبول حسین کی زبان کھلوانے کیلئے اس پر ظلم کے پہاڑ توڑنے لگی-اسے 4X4فٹ کے ایک پنجرا نما کوٹھڑی میں قید کردیا گیا- جہاں وہ نہ بیٹھ سکتا تھا نہ لیٹ سکتا تھا-دشمن انسان سوز مظالم کے باوجود اس سے کچھ اگلوانہ سکا تھا-سپاہی مقبول حسین کی بہادری اور ثابت قدمی نے بھارتی فوجی افسران کو پاگل کردیا-جب انہوں نے دیکھا کہ مقبول حسین کوئی راز نہیں بتاتا تو وہ اپنی تسکین کیلئے مقبول حسین کو تشدد کا نشانہ بنا کر کہتے ”کہو پاکستان مردہ باد“ اور سپاہی مقبول حسین اپنی ساری توانائی اکٹھی کرکے نعرہ مارتا پاکستان زندہ باد، جو بھارتی فوجیوں کو جھلا کے رکھ دیتا-وہ چلانے لگتے اور سپاہی مقبول کو پاگل پاگل کہنا شروع کردیتے اور کہتے کہ یہ پاکستانی فوجی پاگل اپنی جان کا دشمن ہے اورسپاہی مقبول حسین کہتا ہاں میں پاگل ہوں---ہاں میں پاگل ہوں--- اپنے ملک کے ایک ایک ایک ذرّے کے لئے---ہاں میں پاگل ہوں اپنے ملک کے کونے کونے کے دفاع کیلئے--- ہاں میں پاگل ہوں اپنے ملک کی عزت و وقار کے لئے--- سپاہی مقبول حسین کی زبان سے نکلے ہوئے یہ الفاظ دشمنوں کے ذہنوں پر ہتھوڑوں کی طرح لگتے- آخر انہوں نے اس زبان سے بدلہ لینے کا فیصلہ کرلیا انہوں نے سپاہی مقبول حسین کی زبان کاٹ دی اور اسے پھر 4x4 کی اندھیری کوٹھڑی میں ڈال کر مقفل کردیا-سپاہی مقبول حسین نے 1965ء سے لیکر 2005ء تک اپنی زندگی کے بہترین چالیس سال اس کوٹھڑی میں گزار دیئے اب وہ کٹی زبان سے پاکستان زندہ آباد کا نعرہ تو نہیں لگا سکتا تھا لیکن اپنے جسم پر لباس کے نام پر پہنے چیتھڑوں کی مدد سے 4x4 فٹ کوٹھڑی کی دیوار کے ایک حصے کو صاف کرتا اور ا پنے جسم سے رستے ہوئے خون کی مدد سے وہاں پاکستان زندہ باد لکھ دیتا-یوں سپاہی مقبول حسین اپنی زندگی کے بہترین دن اپنے وطن کی محبت کے پاگل پن میں گزارتا رہا- آئیں ہم مل کر آج ایسے سارے پاگلوں کو سلیوٹ کرتے ہیں
​
 
Advertisement
اس ماں اور ایسی ماؤں کی قربانی رائیگاں جاے گی
اگر
کرپٹ جرنلوں اور ***** سیاستدانوں کو منطقی انجام تک پہنچاے بغیر چھوڑ دیا گیا


:biggthumpup:​
 
Re: اب وقت شہادت ہے

5745_big.jpg
 
Advertisement
Interviews of Fathers and Mothers of Martyrs...

Interviews of Fathers and Mothers of Martyrs...

[video]https://www.facebook.com/pervezmusharraf/posts/10153314942021919[/video]

[video]https://www.facebook.com/pervezmusharraf/posts/10153314937691919[/video]