Advertisement

Bazm: Ahmad Faraz * بزم: احمد فراز (Poetry Sharing Mehfil)

faraz_19.png


اب کے تجدیدِ وفا کا نہیں اِمکاں جاناں

اب کے تجدیدِ وفا کا نہیں اِمکاں جاناں
یاد کیا تجھ کو دلائیں ترا پیماں جاناں


اوّل اوّل کی محبت کے نشے یاد تو کر
بِن پئیے ہی ترا چہرہ تھا گُلستاں جاناں


آخر آخر تو یہ عالم تھا کہ اب یاد نہیں
رگِ مِینا سُلگ اٹھی کہ رگِ جاں جاناں


یوں ہی موسم کی ادا دیکھ کے یاد آیا ہے
کِس قدر جلد بدل جاتے ہیں اِنساں جاناں


دل سمجھتا تھا کہ شاید ہو فسُردہ تُو بھی
دل کی کیا بات کریں دل تو ہے ناداں جاناں


مدّتوں سے یہی عالم ۔۔ نہ توقع، نہ اُمید
دل پُکارے ہی چلا جاتا ہے جاناں جاناں


زندگی تیری عطا تھی سو ترے نام کی ہے
ہم نے جیسی بھی گزاری ترا احساں جاناں


 
Advertisement
میں تو یونہی پانی میں پتھر بھینک رہا تھا فراز
لیکن
مچھی نے نکل کے کہا


انہی دیا سِر پاڑنا ای

 
Advertisement