پاکستان تحریک انصاف کے رہنما شیر افضل مروت نے خیبر پختونخوا میں کرپشن کے حوالے سے بیان کی وضاحت دیدی اور کہا کہ میرے بیان کو میڈیا پر غلط انداز میں پیش کیا گیا۔
تفصیلات کے مطابق شیر افضل مروت نے خیبر پختونخوا ہاؤس کےباہر میڈیا سے گفتگو کرتے ہوئے کہا کہ میرے ایک بیان کو نجی ٹی وی چینل پر غلط انداز میں چلایا گیا یہ کہا گیا کہ میں نے کہا ہے کہ خیبر پختونخوا میں گزشتہ دور میں اربوں روپے کی کرپشن ہوئی۔
Loading X post…
Open original post on Xانہوں نے کہا کہ درحقیقت میں نے یہ کہا تھا کہ محمود خان اور پرویز خٹک جیسے لوگ پی ٹی آئی سے الگ ہوکر گنگا نہا کر پاک صاف ہوگئے؟
انہوں نے مزید کہا کہ کور کمیٹی نے مرکز اور صوبوں میں بھرپور احتجاجی تحریک چلانے کا فیصلہ کیا ہے، کور کمیٹی کے اجلاس میں تمام غلط فہمیوں کو دور کیا گیا اب ہمارے درمیان کوئی غلط فہمی نہیں ہے، آج خوشگوار ماحول میں اجلاس ہوا، آئندہ جو بھی فیصلے ہوں گے وہ کور کمیٹی کے ذریعے ہوں گے۔
شیر افضل مروت نے کہا کہ پہلے بھی کور کمیٹی فیصلے کرتی تھی اب بھی وہی کرے گی، ہم ہر فیصلہ بانی پی ٹی آئی سے منظور کرواتے ہیں، جہاں جہاں ہم احتجاج کریں گے یہ ہمارے خلاف مقدمات ٹھوکتے ہیں تو ٹھوکیں۔
- Featured Thumbs
- https://www.siasat.pk/data/files/s3/5سھعرافزساطھججک.png
Advertisement





