Advertisement

کفالت. کالا قانون

قطر: گھریلو ملازماؤں کی دلخراش داستانیں
source

حقوقِ انسانی کی بین الاقوامی تنظیم ایمنسٹی انٹرنیشنل نے 23 اپریل کو جاری کردہ اپنے ایک جائزے میں خلیجی عرب ریاست قطر میں گھریلو ملازماؤں کی حالتِ زار کو موضوع بنایا ہے۔

خلیجی عرب ریاست قطر کے دارالحکومت دوحہ کا ایک منظر

ان ملازماؤں کا کہنا ہے کہ اُنہیں انتہائی کم اجرتوں پر ہفتے میں سو سو گھنٹے کام کرنا پڑتا ہے، آرام کے وقفے یا چھٹی بالکل نہیں ملتی اور اُنہیں اپنے مالکان کی جانب سے جسمانی اور جنسی تشدد بھی سہنا پڑتا ہے۔
قطر میں ایک لاکھ تیس ہزار غیر ملکی شہری صفائی، کھانے پکانے اور بچوں کی دیکھ بھال کے ساتھ ساتھ بطور ڈرائیور یا مالی بھی کام کرتے ہیں۔ تقریباً چوراسی ہزار خواتین ہیں جبکہ تقریباً اڑتالیس ہزار مرد۔ یہ لوگ قطر کے مقامی شہریوں کے ساتھ ساتھ یورپی، امریکی، ایشیائی اور افریقی مالکان کے ہاں بھی ملازمت کرتے ہیں۔ ان میں سے زیادہ تر کا تعلق جنوبی ایشیا یا جنوب مشرقی ایشیا سے ہے۔


قطر میں نیپال سے گئے ہوئے کارکن تھکا دینے والے کام کے بعد اس طرح کے بستروں میں آرام کرتے ہیں

بس نیند ہی میرا آرام کا وقفہ ہے کے عنوان سے جاری کی گئی ایمنسٹی کی اس رپورٹ کے لیے اکتوبر 2012ء اور مارچ 2013ء کے درمیانی عرصے میں باون ملازماؤں سے گفتگو کی گئی۔ ساتھ ساتھ قطر کی داخلہ اور محنت کی وزارتوں سے بھی پوچھ گچھ کی گئی اور ان ملازماؤں کے آبائی ممالک کے سفارت خانوں سے بھی رابطہ قائم کیا گیا۔
ڈوئچے ویلے سے گفتگو کرتے ہوئے ایمنسٹی کی قطر سے متعلق امور کی ماہر ریگینا سپوئٹل نے بتایا کہ گھریلو ملازماؤں کے لیے کام کے حالات انتہائی سخت ہیں۔ ان ملازماؤں نے اپنے ساتھ بیتنے والے دلخراش واقعات بتاتے ہوئے کہا کہ اُنہیں مارا پیٹا جاتا ہے، بالوں سے پکڑ کر کھینچا جاتا ہے اور دھکا دے کر سیڑھیوں سے نیچے گرا دیا جاتا ہے۔ انڈونیشیا کی ایک خاتون کو چاقو کے زخم لگے ہوئے تھے جبکہ اُس کے سینے پر استری رکھ کر دبا دیے جانے کا بھی ایک زخم تھا۔


سپوئٹل کے مطابق تین خواتین نے یہ بھی بتایا کہ اُن کے ساتھ جنسی زیادتی کی گئی:جنسی زیادتی کے
ان واقعات کی کہیں رپورٹ درج نہیں کروائی جاتی کیونکہ ان عورتوں کو یہ ڈر ہوتا ہے کہ وہ مظلوم کی بجائے الٹا ظالم بن جائیں گی کیونکہ اکثر ان پر غیر شائستہ چال چلن کا الزام لگا دیا جاتا ہے۔

سپوئٹل نے کہا کہ اگرچہ یہ رپورٹ صرف باون خواتین کے ساتھ انٹرویوز پر مبنی ہے لیکن یہ بات یقین سے کہی جا سکتی ہے کہ گھریلو ملازماؤں کی تقریباً نصف تعداد کو قطر میں اپنے کام کے عرصے کے دوران کسی نہ کسی شکل میں ناروا سلوک کا سامنا کرنا پڑتا ہے۔ اس کا ایک اور ثبوت یہ ہے کہ ان ملازماؤں کے آبائی ممالک کے سفارت خانوں میں ہر ہفتے کئی درجن شکایات درج کروائی جاتی ہیں۔ انسانی اسمگلنگ کے خلاف سرگرم عمل ایک قطری تنظیم QFCHT کے ہاں 2013ء میں ہر مہینے دو تا تین سو شکایات درج کروائی گئیں۔

مختلف ایجنسیاں پُر کشش وعدوں کے ساتھ ان خواتین کو قطر لاتی ہیں اور اُنہیں مختلف گھروں میں بھیجتی ہیں۔

سپوئٹل نے بتایا کہ قطر پہنچنے کے بعد یہ خواتین ہر اعتبار سے اپنے کفیل کی محتاج ہو جاتی ہیں۔ کفالت کے ملکی قانون کی رُو سے وہ نہ تو ملازمت کی جگہ بدل سکتی ہیں اور نہ ہی ملک چھوڑ سکتی ہیں۔

ایمنسٹی نے مطالبہ کیا ہے کہ قطر میں ملازمت کے عمومی قوانین کو گھریلو ملازماؤں پر بھی لاگو کیا جائے، کفالت سے متعلق قانون کو ختم کیا جائے یا پھر اُس میں بنیادی نوعیت کی ترامیم متعارف کروائی جائیں۔ مزید یہ کہ اپنے آجر کو چھوڑ جانے والی خواتین کو آئندہ مجرم نہ سمجھا جائے اور گھر کے اندر اُن پر کیے جانے والے تشدد کو قابل تعزیر قرار دیا جائے۔

سپوئٹل نے بتایا کہ ایمنسٹی کی اس رپورٹ کی تفصیلات جاننے کے بعد قطری حکام نے حالات بہتر بنانے کا وعدہ کیا تھا تاہم ابھی تک کوئی اقدامات عمل میں نہیں لائے گئے۔

​
 
Puray Arab me aisa hai...Aur Saudia me tu kaflat laina Bilkul Jaiz aur Halal hai.. Apni Philpini Mulazaima ko Loondi Bana k Hawas puri Karna b..Saudi Arab me Bilkul jaiz ha.. aur Yeh b Bilkul Sach hai k..Koi Police station me complain karay ga.. tu Khud Jail me jaay ga...
Baki agr koi kehta k Arab me islami Qanoon hai..tu Islami Qanoon k sath sub se bara mazak Arab me hi hota....
 
Agr koi kehta k Arab me islami Qanoon raij hai..tu Islami Qanoon k sath sub se bara mazak Arab me hi hota hay,
sahih tor par muslim yeh bhi nahin keh saktay apnay aap ko.hat dharmi say manwana chahain to manwa lain apnay aap ko musalman.
inko apnay rab ka shukar guzar hona chahiay keh uss nay in logoon ko sab kuch day rakha hay,
jis din in say yeh sab kuch cheen lia gaya to yeh khootay ki sawari kay qabil bhi nahin rahain gay,
phir inko musawaat yad aay gi abhi to yeh dosaray insanoon ko insan hi nahin samjhtay.