Advertisement

کراچی: سنگدل بیٹے نےڈھائی کروڑ روپے اور 22 تولے سونے کیلئے ماں کو قتل کردیا

Murder.jpg


کراچی کے علاقے مومن آباد اورنگی ٹاؤن میں پیرشانی چوک کے قریب ایک خاتون کو قتل کرنے والا ملزم درحقیقت اس کا حقیقی بیٹا نکلا۔ پولیس کے مطابق مختیار نامی ملزم کو 24 گھنٹوں کے اندر گرفتار کر لیا گیا ہے۔

تفصیلات کے مطابق، خاتون پر تشدد کرنے میں اس کے دو بھائیوں، بیٹے اور بھتیجے نے بھی حصہ لیا۔ ملزم مختیار نے اپنے بیان میں انکشاف کیا کہ قتل میں اس کے ساتھ اس کے 2 ماموں اور ایک ماموں کا بیٹا بھی شامل تھے۔

مزید یہ کہ ملزم نے کہا کہ وہ قتل کے وقت اپنے چھوٹے بہن بھائیوں کو سامان لینے کے لیے باہر بھیج دیا تھا تاکہ کوئی مزاحمت نہ ہو۔

پولیس کا کہنا ہے کہ قتل کے اس کیس میں شامل دیگر ملزمان کی گرفتاری کے لیے کارروائیاں جاری ہیں، جبکہ ملزم سے مزید تفتیش کی جا رہی ہے تاکہ حقیقت سامنے لائی جا سکے۔ یہ واقعہ علاقے میں خوف و ہراس کی وجہ بن گیا ہے۔​