Web Desk اسلام آباد: برطانوی دارالحکومت لندن میں رہائش پذیر الطاف حسین کی جانب سے دی جانے والی دھمکیوں کی وضاحت طلب کرنے پر پاکستانی نیوز چینل سماء کا پروگرام ٹونائٹ ود جیسمین منظور کو بند کرادیا گیا ہے۔ یاد رہے کہ گزشتہ دنوں ایم کیو ایم کے قائد الطاف حسین کی جانب سے ایک متنازعہ تقریر کی گئی تھی جس میں صحافیوں کو کتوں سے تشبہہ دی گئی تھی اور انہیں نام لیے بغیر ٹھوک دینے کا انتباہ بھی کیا گیا۔ متحدہ کے قائد کے خطاب کے بعدبعض صحافیوںکی طرف سے ایم کیو ایم کے رہنماؤں سے اس حوالے سے وضاحت مانگی گئی کہ کون سا کتا کس پر بھونک رہا ہے اور ٹھوک دینے سے کیا مراد ہے؟۔ سماء نیوز سے وابستہ خاتون اینکر پرسن جیسمین منظور نے ایم کیو ایم کے رہنما رضا ہارون سے استفسار کیا کہ کیا مجھے بھی ٹھوک دیا جائے گا؟
جس پر ایم کیو ایم کے رہنما نے مؤقف اختیار کیا کہ ان کے قائد کا ہرگز یہ مطلب نہیں تھا انہوں نے بعض صحافیوں سے متعلق بات کی تھی۔ جیسمین منظور نے ایک بار پھر ان سے اس بات کی وضاحت چاہی کہ کیا اس کا یہ مطلب لیا جائے کہ ایم کیو ایم نے ناپسندیدہ صحافیوں کی فہرست تیار کررکھی ہے؟ ذرائع کے مطابق مذکورہ پروگرام کے بعد ایم کیو ایم کے ایک سابق صوبائی وزیر نے سماء نیوز کے دفتر فون کرکے اس پروگرام پر انتہائی ناپسندیدگی اور مالکان پر برہمی کا اظہار کیا۔
ذرائع کا کہنا ہے کہ مذکورہ فون کے بعد ٹو نائٹ ود جیسمین منظور کا پروگرام بند کردیا گیا ہے۔ خیال رہے کہ سماء نیوز پر جیسمین منظور کا پروگرام پیر سے جمعہ شب 10 سے 11 بجے نشر کیا جاتا ہے۔ پارٹی کی جانب سے ناپسند کیا جانے والا پروگرام بدھ کی شب نشر کیا گیا تھا جس کے بعد جمعرات اور جمعہ کو جیسمین منظور کو پروگرام کرنے کی اجازت نہیں ملی۔ ذرائع نے مزید بتایا کہ جیسمین منظور کو بطور سزا دو روز فارغ رکھا گیا تاہم اب انہیں پیر سے دوبارہ پروگرام کرنے کی اجازت مل گئی ہے لیکن خبردار کیا گیا ہے کہ آئندہ اس طرح کے سوالات سے باز رہا جائے۔
[admin is ko deleet nahi karay ga,admin khud enjoy kar raha hay,is ko deleet b karay aur is banday ko 2 din tak block b karay,jis ne aisi behoda pic post ki hay:angry_smile:QUOTE=Mojo-jojo;1605302]Admin./Moderator please delete above post by Ahud1. It is in bad taste. We want civilized discussion here.[/QUOTE]
jasmeen manzoor @jasmeenmanzoor15 May A leader is only great when he accepts his mistake and I am grateful as an anchor for Altaf Hussains Apology ! Very good decision by MQM