Advertisement

ٹمبکٹو کی نادر دستاویزات شدید خطرے میں

Source: http://dw.de/p/1DQEJ

مغربی افریقہ کے صحرائی ملک مالی میں قدیم نادر تحقیقی دستاویزات معدومیت کے خطرے سے دوچار




​
ٹمبکٹو کی صدیوں پرانی نادر تحریریں تاریخی اعتبار سے انتہائی اہمیت کی حامل ہیں۔ یہ کئی سو سال کی اسلامی تحقیق کا نچوڑ ہیں۔ اُس دور میں ٹمبکٹو افریقہ میں اسلامی اور قرآنی تعلیمات کا مرکز ہوا کرتا تھا۔

شدت پسندوں نے یونیسکو اور مغربی ممالک کے سامنے اپنی طاقت کا مظاہرہ کرنے کی خاطر ٹمبکٹو میں ہزاروں تاریخی نمونوں کو جمع کر کے احمد بابا انسٹیٹیوٹ میں نذر آتش کر دیا تھا۔ اس دوران چار ہزار سے زائد تحریریں جل کر راکھ ہو گئی تھیں۔ یہ آج بھی اسے ادارے میں موجود ہیں، مگر خاک کی صورت میں۔

مالی کے کچھ شہریوں نے اِنہیں محفوظ بنانے کی کوششیں شروع کر رکھی ہیں۔


0,,17968586_303,00.jpg

​


دھاتی کنٹینرز میں اسمگلنگ
​

​
ء2012میں شدت پسندوں نے جب شمالی مالی میں حملے شروع کیے تو اس دوران بہت سے تاریخی مقامات کو تباہ کر دیا گیا اور اس موقع پر مالی کے کچھ باسیوں نے ان تاریخی دستاویزات کی اہمیت کو سمجھتے ہوئے انہیں ٹمبکٹو سے اسمگل کر کے ملکی دارالحکومت بماکو پہنچا دیا تھا۔ یہاں ان تاریخی دستاویزات کو چھانٹے بغیر دھات کے ڈبوں میں رکھا گیا ہے۔ اب انہیں محفوظ بنانے اور ڈیجیٹلائز کرنے کا انتظار کیا جا رہا ہے۔
​

​

0,,17968583_303,00.jpg


​

تحریروں کو محفوظ کر لینے والا​

عبدالقادر حیدرہ نے ان تحریروں کو محفوظ کرنے کا ذمہ اپنے سر لیا ہوا ہے۔ وہ ایک خاندانی کتب خانہ چلاتے ہیں اور وہ اپنی دستاویزات کے ساتھ ساتھ ٹمبکٹو کی ان تحریروں کو بھی بچانا چاہتے ہیں، جو تباہی کے خطرے سے دوچار ہیں۔


​

0,,17968584_303,00.jpg




تمام لوگوں کی دستاویزات تک رسائی
ان تاریخی دستاویزات کو ڈیجیٹلائز کرنے کے دو مقاصد ہیں۔ ایک تو اگر کسی وجہ سے اصل تحریروں کو کوئی نقصان پہنچتا ہے تو اُن کی ڈیجیٹل کاپیاں موجود ہوں اور دوسرے یہ کہ جو بھی چاہے، اِن دستاویزات تک رسائی حاصل کر سکے۔ اِن دستاویزات کو اُن کی اصل حالت میں محفوظ رکھنے کے حوالے سے ابھی تک کوئی منصوبہ نہیں بنایا گیا ہے۔


0,,17968590_303,00.jpg



گتے کے ڈبوں میں منتقلی
ڈیجیٹلائزیشن کے بعد ان دستاویزات کو تیزابیت سے پاک ڈبوں میں منتقل کر کے رکھا جائے گا۔ ان میں سے ہر تحریر مختلف نوعیت کی ہے اور ان کے سائز بھی ایک دوسرے سے جدا ہیں۔ اس وجہ سے انہیں رکھنے کے لیے ہاتھ سے خصوصی ڈبے تیار کرنا ہوں گے۔

0,,17968592_303,00.jpg


خالی بک شیلف

کوئی بھی کتاب ٹمبکٹو کے ماما حیدرا میموریل کتب خانے میں موجود نہیں ہے۔ یہ امر بھی ابھی تک غیر واضح ہے کہ آیا یہ تاریخی دستاویزات دوبارہ کبھی اس لائبریری کی زینت بنیں گی یا نہیں۔ زیادہ تر لوگوں کا خیال ہے کہ یہ نادر نمونے بماکو میں زیادہ محفوظ ہیں جبکہ کچھ کا خیال ہے کہ ان کے بغیر ٹمبکٹوکی ساکھ متاثر ہو گی۔

0,,17968601_303,00.jpg



بے یار و مددگار کتب خانے
احمد بابا نامی ادارہ آغا خان ٹرسٹ کے علاوہ جنوبی افریقہ اور سعودی عرب کے مالی تعاون سے تعمیر کیا گیا ہے۔ اس میں صرف ایک لائبریری اور آرکائیو ہی نہیں ہے بلکہ اس میں ایسے جدید آلات بھی نصب ہیں، جن کی مدد سے دستاویزات کو ڈیجیٹلائز اور محفوظ بنایا جا سکتا ہے۔ تاہم یہ ادارہ ویران ہے اور خستہ حال ہو چکا ہے۔

0,,17968610_303,00.jpg




سیاہ دن
شدت پسندوں نے یونیسکو اور مغربی ممالک کے سامنے اپنی طاقت کا مظاہرہ کرنے کی خاطر ٹمبکٹو میں اہم تاریخی نمونوں کو جمع کر کے احمد بابا انسٹیٹیوٹ میں نذر آتش کر دیا تھا۔ اس دوران چار ہزار سے زائد تحریریں جل کر راکھ ہو گئی تھیں۔ یہ آج بھی اسے ادارے میں موجود ہیں، مگر خاک کی صورت میں۔

0,,17968608_303,00.jpg



0,,17968646_303,00.jpg




ٹمبکٹو خطرے سے دوچار

بیسویں صدی میں اپنی اقتصادی اہمیت کھونے کے بعد صرف سیاحت ہی ٹمبکٹو کے لوگوں کا واحد ذریعہ معاش تھا۔ 2012ء میں شروع ہونے والے تنازعہ کے بعد سیاحوں نے بھی اس شہر کا رخ کرنا چھوڑ دیا ہے۔

0,,17968621_303,00.jpg


غیر یقینی مستقبل
مالی کی سیاسی صورتحال کشیدہ ہے اور ملکی فوج اس قدر کمزور ہے کہ وہ مستقل بنیادوں پر سلامتی کی صورتحال کو قابو میں نہیں رکھ سکتی۔ 2012ء میں ٹمبکٹو کے اکثر باسی نقل مکانی کر گئے تھے اور وہ آج تک واپس نہیں لوٹے ہیں کیونکہ انہیں حالات پر بھروسہ نہیں ہے۔

0,,17968647_303,00.jpg



Timbuktu-manuscripts-astronomy-mathematics.jpg

The Timbuktu Manuscripts showing both mathematics and a heritage of astronomy in medieval Islam.​
 
Last edited:
Sir g aap ko timbak 2 ki pari hai .....! yahan log ghost hzm krny ki tdabeer kr rahe hain