- Joined
- Feb 19, 2014
- Posts
- 36,292
- Reaction score
- 42,080
- Points
- 218
خارجہ پالیسی
ایک اُلو کی ایک طوطے کے ساتھ بڑی یاری تھی، ایک روز اُلو طوطے کے ہاں مہمان ہوا۔ طوطے نے اس کی آمد پر بڑی خوشی کا اظہار کیا، لیکن کھانے کو نہ پوچھا۔ اُلو کافی دیر تک صبر سے کام لیتا رہا۔ بالآخر اس نے تمام آداب بالائے طاق رکھے اور کہا : " مجھے سخت بھوک لگی ہے کھانا کھلاؤ۔ " طوطے نے یہ سنا تو سامنے والے درخت کی طرف اڈاری ماری جہاں ایک مینا بیٹھی تھی اور کافی دیر تک سر جوڑے اس کے ساتھ باتیں کرتا رہا۔ پھر واپس اپنے درخت پر آیا اور اُلوسے دوبارہ میٹھی میٹھی باتیں شروع کر دیں۔ اُلو نے کچھ دیر ضبط سے کام لیا، بالآخر اس نے ایک بار پھر کہا : " مجھے سخت بھوک لگی ہے، میرے لیے روٹی کا بندوبست کرو۔ " طوطے نے یہ سنا تو اڈاری مار کر ایک دوسرے درخت پر پہنچ گیا، جہاں ایک چڑیا بیٹھی تھی اور اس کے کان میں کچھ باتیں کرنے کے بعد واپس اپنے درخت پر آ گیا۔
بھوک سے قریب المرگ اُلونے تیسری دفعہ اسے کھانے کی یاد دہانی کرائی، تو طوطا ایک کوئے کے ساتھ مصروف گفتگو ہو گیا اور کچھ دیر بعد واپس اپنے درخت پر آکر دوبارہ اُلو سے پیار محبت کی باتیں کرنے لگا۔ اُلو میں اب مزید فاقہ کشی کی ہمت نہ تھی۔ اس نے طوطے کو مخاطب کر کے کہا : " تم اگر مجھے روٹی نہیں کھلا سکتے ؛تو میں چلتا ہوں !طوطے نے یہ سن کر ایک چوتھے درخت کی طرف اڈاری مارنے کے لیے اپنے پر پھیلائے اور اُلوکو خفگی سے دیکھتے ہوئے کہا :"ارےاُلو!،میری خارجہ پالیسی دیکھو،روٹی پر لعنت بھیجو"۔
(عطا الحق قاسمی )
ایک اُلو کی ایک طوطے کے ساتھ بڑی یاری تھی، ایک روز اُلو طوطے کے ہاں مہمان ہوا۔ طوطے نے اس کی آمد پر بڑی خوشی کا اظہار کیا، لیکن کھانے کو نہ پوچھا۔ اُلو کافی دیر تک صبر سے کام لیتا رہا۔ بالآخر اس نے تمام آداب بالائے طاق رکھے اور کہا : " مجھے سخت بھوک لگی ہے کھانا کھلاؤ۔ " طوطے نے یہ سنا تو سامنے والے درخت کی طرف اڈاری ماری جہاں ایک مینا بیٹھی تھی اور کافی دیر تک سر جوڑے اس کے ساتھ باتیں کرتا رہا۔ پھر واپس اپنے درخت پر آیا اور اُلوسے دوبارہ میٹھی میٹھی باتیں شروع کر دیں۔ اُلو نے کچھ دیر ضبط سے کام لیا، بالآخر اس نے ایک بار پھر کہا : " مجھے سخت بھوک لگی ہے، میرے لیے روٹی کا بندوبست کرو۔ " طوطے نے یہ سنا تو اڈاری مار کر ایک دوسرے درخت پر پہنچ گیا، جہاں ایک چڑیا بیٹھی تھی اور اس کے کان میں کچھ باتیں کرنے کے بعد واپس اپنے درخت پر آ گیا۔
بھوک سے قریب المرگ اُلونے تیسری دفعہ اسے کھانے کی یاد دہانی کرائی، تو طوطا ایک کوئے کے ساتھ مصروف گفتگو ہو گیا اور کچھ دیر بعد واپس اپنے درخت پر آکر دوبارہ اُلو سے پیار محبت کی باتیں کرنے لگا۔ اُلو میں اب مزید فاقہ کشی کی ہمت نہ تھی۔ اس نے طوطے کو مخاطب کر کے کہا : " تم اگر مجھے روٹی نہیں کھلا سکتے ؛تو میں چلتا ہوں !طوطے نے یہ سن کر ایک چوتھے درخت کی طرف اڈاری مارنے کے لیے اپنے پر پھیلائے اور اُلوکو خفگی سے دیکھتے ہوئے کہا :"ارےاُلو!،میری خارجہ پالیسی دیکھو،روٹی پر لعنت بھیجو"۔
(عطا الحق قاسمی )





