Advertisement

سیکریٹری خزانہ سپریم کورٹ میں پیش ہونے کے بجائے امریکا پہنچ گئے

A-general-view-of-the-Supreme-Court-of-Pakistan-in1668673145-0.jpg


اسلام آباد : سیکریٹری خزانہ یعقوب حامد شیخ سپریم کورٹ میں پیش ہونے کے بجائے امریکا پہنچ گئے ، ان کو سپریم کورٹ نے انتخابات کیلئے 21 ارب جاری کرنے کی ہدایت کی تھی۔

تفصیلات کے مطابق سیکریٹری خزانہ یعقوب حامد شیخ امریکا پہنچ گئے ،ذرائع نے بتایا کہ سیکریٹری خزانہ نےسپریم کورٹ کی ہدایت پرآج پیش ہونا تھا۔

ذرائع نے کہا کہ سیکریٹری خزانہ کوسپریم کورٹ نے انتخابات کیلئے 21 ارب جاری کرنے کی ہدایت کی تھی، انھیں سپریم کورٹ کے حکم پر الیکشن کمیشن کو آج 21 ارب روپے جاری کرنا تھے۔

ذرائع کا کہنا ہے کہ سیکریٹری خزانہ عالمی بینک اور آئی ایم ایف کی اسپرنگ میٹنگ میں شرکت کے لیے امریکا گئے ہیں، عالمی بینک اور آئی ایم ایف کی اسپرنگ میٹنگز 16 اپریل کو ختم ہوں گی۔

ذرائع کے مطابق سیکریٹری خزانہ یعقوب حامدشیخ کا دورہ امریکا 16 اپریل کو ختم ہوگا۔

خیال رہے پنجاب میں انتخابات کیلیے الیکشن کمیشن کو فنڈز دینے کا آج آخری دن ہے ، حکومت نے معاملے پر فیصلہ کا اختیارپارلیمنٹ کو دے دیا۔

وزیراعظم شہبازشریف کی زیرصدارت وفاقی کابینہ کےاجلاس میں فیصلہ کیا گیا، کابینہ ارکان نے موقف اپنایا کہ پارلیمنٹ سپریم ہے ،فیصلہ وہ کرے، سپریم کورٹ کا چار تین کا فیصلہ ہے، تین دو کو کیسے تسلیم کرلیا جائے؟

اعلامیے میں کہا گیا تھا وزارت خزانہ کو وزارت قانون کی مشاورت سے پارلیمان سے رہنمائی لینے کی ہدایت کی اور وزارت خزانہ رہنمائی کیلئے سمری تیار کر کے آج پھر بلائے گئے کابینہ اجلاس میں پیش کرے گی۔


Source​
 
Advertisement
Advertisement
Doesn't it surprise anyone how these haramis always have US, UK and Canadian visa ready to go all the time. When an average Pakistani zaleel aur khuwar hota rehta hai aur us ka 15 din ka transit visa bhi approve nahi hota.