- Joined
- Sep 9, 2013
- Posts
- 4,651
- Reaction score
- 3,765
- Points
- 113
دشمنی اور پختون سماج
:::::::::::::::::::::::::::::
پشاور میں بچوں کو اپنے فرعونی جذبات کی بھینٹ چڑھانے والے درندوں کے متعلق یہ جملہ تقریباں ہر وال پر نظر آرہا ہے کہ "یہ تو سرے سے مسلمان ہی نہیں ہیں" مجھے کسی کو دائرہ اسلام سے خارج کرنے کا شوق کبھی نہیں رہا لیکن میں اس سٹیٹس کے ذریعے آپ کو یہ بتانے جارہا ہوں کہ مسلمانی چھوڑیئے یہ تو پختونوں کے نام پر بھی دھبہ ہیں۔
پختون سماج مضبوط روایات کا سماج ہے، یہاں دشمنی کے حوالے سے بھی کچھ مضبوط روایات ہیں جن کا چار ہزار سال سے پاس رکھا جاتا ہے۔ اس سماج کی تاریخ میں کبھی بدترین دشمنیوں میں بھی خواتین اور بچوں کو نشانہ نہیں بنایا گیا، آئے روز بچے اپنے دشمنوں کے سامنے سے گزرتے ہیں اور وہ انہیں میلی نظر تک سے نہیں دیکھتے حتیٰ کہ اگر دشمن کا بچہ روٹین کی اپنی شرارتوں میں مگن ہو تو اسے ڈانٹا بھی نہیں جاتا کہ اس کا کچھ اور مطلب نہ لے لیا جائے۔
میں آپ کو اپنے علاقے کی بدترین دشمنیوں میں سے ایک کا واقعہ سناتا ہوں جس سے آپ کو پختون سماج میں دشمنی کی روایات کو ایک حد تک سمجھنے میں مدد ملے گی۔ یہ لگ بھگ ستر سال قبل کی بات ہے کہ ایک حاجی صاحب کی دشمنی شروع ہو گئی، دونوں فریق نہات طاقتور تھے، دونوں جانب سے مختلف واقعات میں کئی لاشیں گر گئیں یہاں تک کے حاجی صاحب کے بیٹے بھی مارے گئے، خود حاجی صاحب پر کئی حملے ہوئے مگر ہر بار بچ جاتے۔
صلح کی تمام کوششیں ناکام ہوچکی تھیں کہ حاجی صاحب کو ایک عجیب خیال سوجھا، ان کے دو نو عمر پوتے تھے اور وہ یہ جانتے تھے کہ جب یہ بچے بڑے ہونگے تو دشمنی تیسری نسل میں داخل ہو جائے گی۔ انہوں نے تیسری نسل کو اس دشمنی سے محفوظ رکھنے کے لئے دونوں پوتوں کو سوات کے مدرسے میں بھیج دیا۔ کچھ دن بعد حاجی صاحب پر رات کی تاریکی میں اتنے قریب سے حملہ ہوا کہ بندوق کی نال ان پر رکھ کر فائر کردیا گیا، حاجی صاحب گر گئے اور حملہ آور فرار ہوکر سوات چلے گئے، ان کا خیال تھا کہ حاجی صاحب یقیناََ مر چکے ہونگے مگر وہ بچ گئے تھے۔ سوات پہنچ کر ان حملہ آوروں کو خیال آیا کہ یہاں تو حاجی صاحب کے پوتے پڑھتے ہیں۔ یہ سیدھا مدرسے گئے ان نوعمر بچوں سے ملے اور انہیں نصیحت کی کہ بیٹا تمہارے دادا نے تمہارے لئے بہت اچھا راستہ چنا ہے، یہ راستہ چھوڑنا مت۔ یہ صرف زبانی نصیحت ہی کرکے نہیں لوٹے بلکہ ان بچوں کو خرچے کے لئے کچھ پیسے بھی دے آئے۔
آگے چل کر حاجی صاحب فوت ہوئے اور یہ بچے پڑھ کر عالم بن گئے، ان کے عالم بنتے ہی یہ دشمنی خود بخود ختم ہوگئی کیونکہ پختون سماج میں نہ عالم کسی کو قتل کرتا ہے اور نہ ہی عالم کو کوئی قتل کرتا ہے۔ ان دونوں بچوں میں سے ایک تو اب اس دنیا میں نہیں ہے جبکہ دوسرا آج کی تاریخ میں شیخ الحدیث مولانا مغفور اللہ صاحب کے نام سے پہچانا جاتا ہے جو دارالعلوم حقانیہ اکوڑہ خٹک کے استاذ الحدیث اور ایک زندہ ولی ہیں۔
:::::::::::::::::::::::::::::
پشاور میں بچوں کو اپنے فرعونی جذبات کی بھینٹ چڑھانے والے درندوں کے متعلق یہ جملہ تقریباں ہر وال پر نظر آرہا ہے کہ "یہ تو سرے سے مسلمان ہی نہیں ہیں" مجھے کسی کو دائرہ اسلام سے خارج کرنے کا شوق کبھی نہیں رہا لیکن میں اس سٹیٹس کے ذریعے آپ کو یہ بتانے جارہا ہوں کہ مسلمانی چھوڑیئے یہ تو پختونوں کے نام پر بھی دھبہ ہیں۔
پختون سماج مضبوط روایات کا سماج ہے، یہاں دشمنی کے حوالے سے بھی کچھ مضبوط روایات ہیں جن کا چار ہزار سال سے پاس رکھا جاتا ہے۔ اس سماج کی تاریخ میں کبھی بدترین دشمنیوں میں بھی خواتین اور بچوں کو نشانہ نہیں بنایا گیا، آئے روز بچے اپنے دشمنوں کے سامنے سے گزرتے ہیں اور وہ انہیں میلی نظر تک سے نہیں دیکھتے حتیٰ کہ اگر دشمن کا بچہ روٹین کی اپنی شرارتوں میں مگن ہو تو اسے ڈانٹا بھی نہیں جاتا کہ اس کا کچھ اور مطلب نہ لے لیا جائے۔
میں آپ کو اپنے علاقے کی بدترین دشمنیوں میں سے ایک کا واقعہ سناتا ہوں جس سے آپ کو پختون سماج میں دشمنی کی روایات کو ایک حد تک سمجھنے میں مدد ملے گی۔ یہ لگ بھگ ستر سال قبل کی بات ہے کہ ایک حاجی صاحب کی دشمنی شروع ہو گئی، دونوں فریق نہات طاقتور تھے، دونوں جانب سے مختلف واقعات میں کئی لاشیں گر گئیں یہاں تک کے حاجی صاحب کے بیٹے بھی مارے گئے، خود حاجی صاحب پر کئی حملے ہوئے مگر ہر بار بچ جاتے۔
صلح کی تمام کوششیں ناکام ہوچکی تھیں کہ حاجی صاحب کو ایک عجیب خیال سوجھا، ان کے دو نو عمر پوتے تھے اور وہ یہ جانتے تھے کہ جب یہ بچے بڑے ہونگے تو دشمنی تیسری نسل میں داخل ہو جائے گی۔ انہوں نے تیسری نسل کو اس دشمنی سے محفوظ رکھنے کے لئے دونوں پوتوں کو سوات کے مدرسے میں بھیج دیا۔ کچھ دن بعد حاجی صاحب پر رات کی تاریکی میں اتنے قریب سے حملہ ہوا کہ بندوق کی نال ان پر رکھ کر فائر کردیا گیا، حاجی صاحب گر گئے اور حملہ آور فرار ہوکر سوات چلے گئے، ان کا خیال تھا کہ حاجی صاحب یقیناََ مر چکے ہونگے مگر وہ بچ گئے تھے۔ سوات پہنچ کر ان حملہ آوروں کو خیال آیا کہ یہاں تو حاجی صاحب کے پوتے پڑھتے ہیں۔ یہ سیدھا مدرسے گئے ان نوعمر بچوں سے ملے اور انہیں نصیحت کی کہ بیٹا تمہارے دادا نے تمہارے لئے بہت اچھا راستہ چنا ہے، یہ راستہ چھوڑنا مت۔ یہ صرف زبانی نصیحت ہی کرکے نہیں لوٹے بلکہ ان بچوں کو خرچے کے لئے کچھ پیسے بھی دے آئے۔
آگے چل کر حاجی صاحب فوت ہوئے اور یہ بچے پڑھ کر عالم بن گئے، ان کے عالم بنتے ہی یہ دشمنی خود بخود ختم ہوگئی کیونکہ پختون سماج میں نہ عالم کسی کو قتل کرتا ہے اور نہ ہی عالم کو کوئی قتل کرتا ہے۔ ان دونوں بچوں میں سے ایک تو اب اس دنیا میں نہیں ہے جبکہ دوسرا آج کی تاریخ میں شیخ الحدیث مولانا مغفور اللہ صاحب کے نام سے پہچانا جاتا ہے جو دارالعلوم حقانیہ اکوڑہ خٹک کے استاذ الحدیث اور ایک زندہ ولی ہیں۔
- Featured Thumbs
- http://www.geourdu.co/wp-content/uploads/2014/01/Pashtun.jpg
Last edited by a moderator:





