Advertisement

حکومت ججز کی تعداد بڑھا کر 25 کیوں کرنا چاہتی ہے؟ڈاکٹر علوی نے بتا دیا

102236062b3ebfa.png

پاکستان کے سابق صدر ڈاکٹر عارف علوی نے سخت تنقید کرتے ہوئے کہا ہے کہ سپریم کورٹ میں ججوں کی تعداد 25 کرنے کا اقدام انصاف کے نظام پر قبضے کی کوشش ہے۔ ڈاکٹر علوی نے ٹویٹر پر اپنے بیان میں اس اقدام کو "شرمناک قانون" قرار دیتے ہوئے کہا کہ یہ محض عدلیہ پر سیاسی قبضے کے لیے کیا جا رہا ہے تاکہ انصاف کے نظام کو کنٹرول کیا جاسکے۔

ڈاکٹر عارف علوی نے سپریم کورٹ کی ججوں کی تعداد میں اضافے کی اس تجویز کو بھارت اور امریکہ کے عدالتی نظام کے ساتھ موازنہ کرتے ہوئے تنقید کا نشانہ بنایا۔ انہوں نے کہا کہ بھارت جیسے 1.4 بلین آبادی والے ملک میں سپریم کورٹ کے 34 ججز ہیں، جب کہ پاکستان کی آبادی بھارت کے مقابلے میں ایک چھٹا ہے، مگر ججز کی تعداد تقریباً آدھی ہے۔ اس کے برعکس، امریکہ میں سپریم کورٹ کے صرف 9 ججز ہیں، جبکہ اس کی آبادی پاکستان سے تقریباً چار گنا زیادہ ہے۔

Loading X post…
Open original post on X

ڈاکٹر علوی نے کہا کہ اس صورتحال سے ظاہر ہوتا ہے کہ ملک میں انصاف کا معیار انتہائی خراب ہے، جو کہ عالمی درجہ بندی میں 139 ممالک میں 130ویں نمبر پر ہے۔ ان کے مطابق، پاکستان میں انصاف کے نظام پر سیاسی مداخلتوں کی وجہ سے یہ صورتحال مزید بگڑ رہی ہے، اور موجودہ قانون سازی کے ذریعے تحریک انصاف کے رہنما عمران خان کو سیاسی منظر سے ہٹانے کی کوشش کی جا رہی ہے۔

Untitled.png


انہوں نے اپنے بیان میں عوام کو امید دلائی کہ ظلم و ناانصافی کی رات ختم ہو رہی ہے اور ملک میں حقیقی انصاف اور شفافیت کا سورج طلوع ہونے والا ہے۔ ڈاکٹر علوی نے کہا کہ جو لوگ پاکستان کے عوام کے حق پر ڈاکا ڈالنے کی کوشش کریں گے، انہیں ذلت کا سامنا کرنا پڑے گا، اور یہ کہ تاریخ کا رخ بدلہ نہیں جا سکتا۔
​
 
The corrupt generals want to control the judiciary.When the judiciary is under their control then they can take draconian measures.They will dismiss any criticism by saying the judiciary is independent,the army has no role in judicial matters.The present government has no authority.It is just a puppet of generals.